龍眼粵拼lung4 ngaan5;學名:Dimocarpus longan);第個名係桂圓gwai3 jyun4)或荔枝奴lai6 zi1 nou4);閩南話嗰邊重可以嗌福圓fuk1 jyun4閩南話Lêng-géng);佢既係無患子科龍眼屬嘅常綠大喬木,又係華南亞熱帶地區入面猛咁出嘅一種生果。呢樖嘢重可以用嚟做風景林同埋防護林。

How to read a taxoboxWikipedia:點樣睇生物分類框
How to read a taxobox
龍眼
龍眼嘅樹
龍眼嘅樹
龍眼樹上嘅果
龍眼樹上嘅果
瀕危指標
物種分類
域(Domain): 真核域 Eukarya
植物界 Plantae
被子植物門 Magnoliophyta
雙子葉植物綱 Magnoliopsida
無患子目 Sapindales
無患子科 Sapindaceae
龍眼屬 Dimocarpus
龍眼 D. longan
二元學名
Dimocarpus longan
Lour.

編輯

 
劉永福故居入面嘅龍眼樹牌

「龍眼」呢個名究竟係點嚟,到而家為止,連古代嘅書入面都冇明顯嘅出處。

古仔 編輯

雖然話噉,但係有三篇同佢有關嘅得意古仔:

其中前兩篇嘅古仔係後嚟冇乜人信佢,而最後一個古仔就有啲拉臣吓。

惡龍同桂圓一齊死埋? 編輯

喺舊時傳說就出現咗條惡龍,成日喺度搞搞震,冇幫襯,嚟將民眾搞到一鑊熟。結果有位嗌「桂圓」嘅英武少年嚟為民除害,隻身去打殘條惡龍。結果佢先用鋼刀銡穿咗惡龍嘅左眼,喺惡龍反撲嗰陣又將佢嘅右眼都挖埋,結果惡龍就因為出血太多先至死咗。而桂圓都唔好彩,佢因為傷得太重都死埋。收尾班鄉親就將龍眼同桂圓埋咗落地下,結果第年就出咗兩樖大樹,而且重結埋果,而果嘅樣就好似嗰時嘅龍眼。所以啲人就嗌佢係「龍眼樹」或「桂圓樹」。

善龍隻眼跌咗落地,變成樖樹? 編輯

喺舊時傳說話有個人識咗條善龍。後嚟佢出街黐咗張皇榜話搵龍眼幫皇后醫眼病。點知佢去搵咗條善龍,善龍就將自己隻眼挖咗下嚟畀佢。而嗰個人將龍眼畀咗皇帝之後,皇帝就開心喇,佢出咗好多金銀畀嗰個人,說如估將另一隻龍眼都搞嚟嘅話就畀你做大官。點知嗰位又去搵善龍。善龍話唔畀之後,搞到嗰位人趁善龍唔注意就掹咗把刀仔殺咗條善龍,而善龍就嬲到擘大隻嘴將嗰個人揼死咗。但係嗰隻眼跌咗落地就變成龍眼樹。

楊貴妃食咗嗰隻水果之後,尐病就好返嗮? 編輯

重有個古仔就話之前楊貴妃病咗,乜都唔食嘅。點知有位大臣就向唐玄宗介紹咗個水果畀楊貴妃食,而楊貴妃睇啱咗呢隻水果就猛咁食,結果尐病就好返嗮。而唐玄宗就幫呢隻水果改咗名嗌「桂圓」。而「桂圓」呢兩個字就係「貴體復原」噉解。

所謂「荔枝奴」 編輯

因為呢隻水果成日喺荔枝結咗果之後就輪到佢結果嘅,所以「荔枝奴」嘅名就係噉嚟。

形態 編輯

呢樖嘢有6——10米高。樹葉係長橢圓形,而且係互生品種嘅偶數好似羽毛噉嘅複葉。而葉嘅硬度同顏色方面,都有啲似牛皮噉,而且係緣色、光滑到冇毛咁滯,成樖嘢嘅地基嗰度有小小斜。而花嗰方面,佢開黃白色嘅花仔,有公同乸嘅兩性花,而結果時間一般喺秋初時分。而佢嘅果係啡片白肉黑核,味清甜。但係呢樖嘢嘅生長環境要求都好高吓,一般喺亞熱帶比較暖嘅氣候而且冇乜霜凍嘅地區係最啱佢生嘅。

水果 編輯

 
龍眼嘅果

龍眼嘅果既可以生食,又可以整成龍眼乾嚟食。而佢啲花蜜蜂蜜入面,品質最靚嘅一個,因為佢嘅色係金黃到好苓。喺冚唪唥嘅龍眼品種入面,其中肉大核細嘅「石硤」係最靚嘅品種。

藥用價值 編輯

龍眼可以用嚟做藥,佢可以醫貧血心悸失眠健忘、神經衰弱同病後、產後身體虛弱等病。但係食得太多就好滯氣,而且有熱氣嗰啲人係食得。尤其係大肚婆,如估食咗佢嘅話,好易搞到BB嘅胎氣有問題[1]

有關嘅書 編輯

  • 《臺灣蔬果實用百科第三輯》,薛聰賢 著,薛聰賢出版社,2003年
  • 5. Yang B, Jiang YM, Shi J, Chen F, Ashraf M. Extraction and pharmacological properties of bioactive compounds from longan (Dimocarpus longan Lour.) fruit – A review. Food Research International, 2011, 44, 1837–1842.

睇埋 編輯

編輯

出面網頁 編輯