桐城
想搵舊名「桐城」嘅地方嘅話，請睇福鼎。桐城（粵音：tung4 sing4）係中國安徽安慶嘅一個縣級市，係個歷史文化名城。面積1571km²，人口66.45萬（2010年數據）。轄3條街道、12個鎮、2個開發區。
- 街道：龍騰街道、文昌街道、龍眠街道
- 鎮：孔城鎮、呂亭鎮、范崗鎮、新渡鎮、雙港鎮、大關鎮、青草鎮、金神鎮、嬉子湖鎮、唐灣鎮、黃甲鎮、鱘魚鎮
- 開發區：桐城經濟開發區、桐城雙新經濟開發區
史
編輯桐城喺周朝係桐國嘅地方，「桐」得自於呢道適合種油桐。之後呢道嘅建置、隸屬係噉變，畀陰安縣、舒縣、呂亭左縣管轄過，南朝梁朝開始，叫樅揚縣，隋開皇18年（598年）叫同安縣，唐至德2年（757年）因為安史之亂避忌個「安」字，改名做桐城縣，個名用到家下。1996年升格做市、桐城市。
桐城文化好昌盛，係個文昌之地，皖江文化嘅發源、中心，人稱「文都」，清朝時呢道有一派文學叫「桐城派」。