梁利堂

梁利堂，美籍華人，祖籍台山，親北京派大波士頓地區僑領，中國共產黨間諜。

部分公職

• 大波士頓中國和平統一促進會創辦人
• 中華公所常務委員
• 美國中餐聯盟副主席

政治立場同觀點

佢喺政治上支持中共政權同兩岸統一，又支持一帶一路。例如，喺2022年10月1號，佢就有份喺帝苑大酒樓席開48檯，慶祝中國國慶。

事件

因為擔任中共間諜被捕

2023年5月9號，佢因為非法擔任外國政府代理人，向中共政府提供波士頓地區嘅「黑名單」（親民主異見人士），參與組織支持中共嘅集會，騷擾聲援香港民主運動人士，被美國政府拘捕。

控罪指，梁利棠自2018年開始，持續同中國外交部，以及喺紐約嘅中國公安聯絡。控罪特別提到，喺2018年8月18號，當時有示威者到波士頓州議會大樓示威，梁利棠就喺現場拍攝同搜集示威者資料，舉報俾中方人員。而家喺波士頓愛默生學院就讀新聞學嘅香港本土派政治人許穎婷回應事件嘅時候就話，唔明白點解美國要要花四年先採取行動，又話當地香港人一直以來都因為中共嘅騷擾承受好大壓力。