明末三案，係明朝後來期嘅三大宫廷疑案，就係梃擊案、紅丸案、同移宮案，嗰時引起咗東林黨同埋非東林黨嘅爭議，好大件事。
梃擊案喺明神宗年間發生，張差想用梃（即係木棍）去殺死太子朱常洛，失敗咗。大家懷疑係鄭貴妃想立自己嘅囝做太子，所以謀殺佢。
明光宗朱常洛病咗，食咗用大黃、芒硝（硫酸鈉）做嘅藥係咁屙，後來睏唔到覺，食唔落嘢，頭暈暈。鴻臚寺嘅李可灼獻咗粒紅丸，好似好番咗啲，但隨即喺九月一日駕崩，淨係做咗29日皇帝。大家都話係紅丸入面嘅紅鉛用得唔啱。
天啟帝登基，養過皇帝嘅李選侍，夾硬要住係乾清宮，東林黨人極之反對，迫佢搬走。
