梵淨山

梵淨山風景

梵淨山紅雲金頂（新金頂）

梵淨山（粵拼：faan6 zing6 saan1）係中國武陵山脈主峰，喺貴州省銅仁市，印江縣、江口縣、松桃縣嘅交界。最高峰鳳凰山海拔2572米。

梵淨山生態保存得好，1982年俾聯合國列為一級世界生態保護區。有豐富嘅野生動植物資源，譬如黔金絲猴、珙桐等珍稀物種。風景美麗自然，主峰嘅「蘑菇石」係著名景觀。中國會喺2018年將梵淨山申報世界自然遺產。

地理

梵淨山係「貴州第一名山」、「武陵第一峰」，喺貴州省東北部印江縣、江口縣、松桃縣三縣邊境，方圓達六、七百里。最高峰鳳凰金頂（鳳凰山）海拔2572米，朝拜地老金頂（梵淨山老山）海拔2494米，新金頂（新山）海拔2336米。梵淨山係雲貴高原向湘西丘陵過渡斜坡上嘅第一高峰（相對高度達2千米）。佢唔單只係烏江同沅江嘅分水嶺，仲係橫跨貴州、重慶、湖南、湖北四省嘅武陵山脈嘅最高主峰。

梵淨山生物多樣性高，1930、1940年代就引起科學家極大關注。1960、1970年代，政府組織專家搞咗幾次大規模科學考察。1978年，梵淨山正式成為貴州省自然保護區。1986年，升級做國家級重點自然保護區，又俾聯合國教科文組織接納為國際「人與生物圈計劃」成員。

參考

• 张明 (1994)。〈梵净山开发史略〉。《史志林》 (簡體中文) (1)。
• 张明 (1994)。〈梵净山佛教源流初探〉。《史志林》 (簡體中文) (3)。
• 张明 (2005)。〈梵净山佛教源流考〉。《佛学研究》 (簡體中文)。中国佛教文化研究所 (14): 284–293。
• 张明。〈梵净山历史上的几次重建活动〉 (簡體中文) (第六集,贵州人民出版社2009年版)。土家族研究。 {{cite journal}}: Cite journal requires |journal= (help)
• 张明 (2012)。〈梵净山弥勒道场<敕赐碑>研究〉 (簡體中文) (4)。世界宗教研究。 {{cite journal}}: Cite journal requires |journal= (help)
• 张明 (2012)。〈梵净山佛教文化保护与旅游开发〉。《人文世界》 (簡體中文)。巴蜀书社 (第5辑)。

出面網頁

• 梵淨山嘅官方網站
• YouTube上面嘅嘅影片