棉花嶼係台灣附屬島嶼之一，喺基隆外海，行政區屬於基隆市中正區，由火山作用形成。棉花嶼因海鳥多，人船近岸時海鳥紛飛、宛如棉絮飛揚而得名。島嘅最東端係中華民國實際控制嘅極東點，日佔時期係磷礦開採區。[1]
佢同花瓶嶼、彭佳嶼合稱北方三島，海洋國家公園管理處規劃將呢三個島嘅海域劃為海洋國家公園。
