楊乃武與小白菜係喺清朝同治、光緒年間發生喺浙江省一單案。小白菜（原名畢生姑）畀人懷疑通姦殺夫，實際上佢老公只係病死，但係縣令劉錫彤就屈佢同楊乃武通姦謀殺，重施酷刑逼供，屈打成招。之後佢哋係咁上訴，加上朝廷內部又咁啱有啲政治鬥爭，最後終於拎返個公道。
呢單嘢涉及嗰陣社會好多複雜背景，而且案情反覆，所以喺民間流傳，重列入清末四大奇案。
