楊月樓奇案

楊月樓奇案又叫楊月樓與韋阿寶案，係發生喺清朝同治十二年一單案。

楊月樓係清末民國初期嘅一個上海當紅京劇名伶，佢同富商千金韋阿寶拍拖，仲已經去到談婚論嫁，但大清律例話明良賤唔可以通婚，楊月樓嘅戲子身份屬於賤籍，所以唔可以同韋阿寶結婚，但佢兩個一於唔理，私定為婚。結果女主角韋阿寶被判行為不端，而楊月樓就判流刑，而幫佢兩個完婚嘅乳母王氏京就判喺縣衙前枷號示眾十日。

由於楊月樓係當紅名伶，呢單嘢受到民間激烈爭論，有人認為呢啲律例過時保守，亦有人覺得良賤通婚成何體統。