槍擊案

槍擊案係一種因為用槍發生暴力而引致嘅事件，一般都係針對一個或者一班人。槍擊唔一定係屬於犯罪，例如當係有自衛嘅需要。如果係殺人（包括誤殺同謀殺），就要視乎情況。仲有，準軍事組織嘅個別行動，都可以係屬於槍擊案。

截至2010年，喺OECD國家入面嘅槍擊案頻率（藍色代表自殺、紅色代表他殺）

根據 GunPolicy.org，世界上有大約8.75億支槍，其中有 3/4 都係由平民控制住。喺所有槍之中，有大約48%係喺美國，係全世界擁有槍嘅比例最高嘅國家。喺2013年，槍擊案造成大約18萬人死，同1990年嘅12.8萬人相比；另外仲有4.7萬人係因為槍擊意外而死。

唔同國家同地區嘅槍擊案嚴重程度都唔一樣。槍擊率最低可以係日本同新加坡（每10萬人有0.03-0.04人），而最高就係洪都拉斯同危地馬拉（每10萬人有59-67人）。一般槍擊案最嚴重嘅地方都係比較窮嘅地區，特別係拉丁美洲嘅國家。

根據聯合國，小型槍械包含咗所有殺人案嘅大約一半，而每年由槍擊案而死嘅人，比二戰期間嘅兩次原子彈爆炸仲要多：大約每日1,000人因為槍擊案而死。