樂家姊妹 (1959年1月3日 - )係香港樂壇一對孖生姊妹花組合。家姐鮑樂德(Letilia Barber),妹妹鮑家德(Katharine Barber)。兩姊妹十歲已經登台。1972年正式成立嗰陣佢哋只得十三歲。佢哋主要以演唱英文、粵語、國語歌為主。1974年(十五歲)往日本,因為日本歌同日文都流利,所以發展得唔錯。已知出版過三張中文唱片《偉大的媽媽》、《童年時光》、同埋《文志群英會》。家姐鮑樂德1980年結婚,移居美國亞利桑那州,妹妹鮑家德1982年結婚,移居美國加利福尼亞州。