機場站 (大溫哥華)

機場站（英文：Airport Station）係大溫哥華地區嘅一座交通樞紐。

2006年嘅機場站

  想搵溫哥華機場嘅架空列車站嘅話，請睇溫哥華國際機場站。

歷史

機場站，面向東北。

機場站喺2000年由運輸聯線起好並投入使用。起機場站嘅主要目的，係服務當時來往溫哥華國際機場嘅兩條公交線路——424號公交車同N10號公交車。424號公交車提供日間同晚間服務，而N10號車就喺424號車每晚收車之後提供通宵服務。搭公交車去機場嘅乘客，大部份都係搭98號B線來到機場站，然後轉搭424號車或者N10號車去機場嘅。後來，運輸聯線增加徂來往周邊居住區嘅公交車路線。

2009年9月7號，喺加拿大線通徂車兩個月之後，來往溫哥華同列治文嘅98號B線公交車停運，機場站喺同一日成為歷史。原本經停機場站嘅大部份路線改為經停橋港站或者馬浦交通樞紐。

曾經經停機場站嘅公交線路

機場站，面向溫哥華國際機場南候機樓。

繼續途經機場站附近嘅線路

• C92號，來往海島南，途徑機場南候機樓；
• N10號，來往溫哥華市中心同列治文中心（通宵線路）。

其他以前經停機場站嘅線路

• C90號，開往海島南，已經停運；
• 98號B線，來往布勒站同列治文市政廳，已經停運；
• 100號，開往二十二街站，改停馬浦交通樞紐；
• 424號，開往機場，已經停運；
• 491號，來往布勒站同列治文一號路，週一到週五高峰時段運營，已經停運；
• 496號，來往布勒站同列治文鐵路，已經停運；
• 620號，開往察華遜卑詩渡輪碼頭，改停橋港站；
• 301號，來往機場站同素里牛頓交通樞紐，改停列治文－布歷候斯站；
• 404號，來往機場站同拉德納交通樞紐，改停列治文－布歷候斯站；
• 425號，來往機場站同機場南候機樓，被C92號取代徂。