機電工程署
機電工程署（英文：Electrical and Mechanical Services Department）係香港政府發展局轄下部門，負責香港嘅機械、電子同氣體工程裝備規管工作。
規管服務
編輯機電工程署嘅規管服務由多個部別負責，工作範圍包括機械安全、氣體安全、電力安全、鐵路安全、能源效益、監察公用事業公司。負責監察電力公司同氣體公司，亦會規管電力、氣體、升降機、電梯承辦商同工程人員，以及就核電安全事宜向政府提供意見。負責執行嘅主要法例包括：
- 電力條例
- 香港鐵路條例
- 建築物能源效益條例
- 能源效益﹙產品標籤﹚條例
- 區域供冷服務條例
- 氣體安全條例
- 升降機及自動梯條例
- 架空纜車﹙安全﹚條例
- 機動遊戲機﹙安全﹚條例
- 建築工地升降機及塔式工作平台﹙安全﹚條例
營運服務
編輯機電工程營運基金（營運基金）喺1996年成立，透過5個策略業務單位為香港超過80個政府部門／局同公共機構提供多元化嘅機電工程服務。每個策略業務單位以特定組別嘅政府部門同公共機構為服務對象。營運基金提供種類繁多嘅機電工程服務，範圍遍及機場服務、學校、環境衞生、政府建築物同設施、醫院同診所、康樂文化場地、港口同海港、郵政服務、工程管理同顧問服務。呢5個策略業務單位分別為：
- 邊境及運輸工程部
- 綜合工程部
- 衞生工程部
- 市政工程部
- 保安及車輛工程部
