檔案 (中華人民共和國)

檔案係中華人民共和國一項行政管理制度。每一個中國人都會開一份檔案，裏頭包括一啲基本個人資料，以及學校老師、雇主之類阿頭嘅評語，仲有政治審查結論等等。喺中國頭幾十年，尤其是係計劃經濟年代，檔案內容對於一個人嘅工作、生活可以有好大影響。份檔案要七都唔准私人保管，亦唔准本人同親屬睇檔案內容，違反嘅有可能造成政治問題，甚至會俾人捉同判坐監。