檸檬 (小說)

檸檬（粵拼：ning4 mung4；日文：檸檬れもん^(remon)）係梶井基次郎嘅短篇小說。佢係梶井基次郎嘅代表作，呢篇小說有種講唔清嘅哀愁情緒，不過突然因爲見到隻令人賞心悅目嘅檸檬而化解曬呢啲憂鬱，成篇小說都用一種近乎散文詩嘅筆法去描寫心境以及好有色彩質感嘅事物。呢篇小說係喺大正十四年（1925年）喺同人誌《青空》一月創刊號嘅頭版度發表，而喺梶井基次郎死嗰年嘅前一年、1931年5月，武藏野書院出版咗佢嘅作品集《檸檬》，呢篇小說就作爲同名作品收錄咗入面。