櫻町天皇

櫻町天皇（日文：桜町天皇／さくらまちてんのう ^{Sakuramachi Tennō}；1720年 2月8號—1750年 5月28號）係日本第一百一十五代天皇，原名昭仁，又叫皇太子昭仁親王，幼名若宮，響1735年4月13號至到1747年6月9號在位。

經歷

佢響1728年畀老豆中御門天皇冊封做皇太子，響1735年老豆讓位畀佢。

響任內，佢得到當時江戶幕府嘅將軍德川吉宗協助，恢復咗好多響祖先靈元天皇同埋東山天皇復辦、但後嚟又畀人廢除咗嘅古代祭祀禮儀，就好似大嘗祭。同時之間，佢都作咗好多好好嘅詩。

因為佢同推古天皇時代嘅聖德太子好多方面都好相似，所以佢又畀人叫做「聖德太子轉世」。

響1747年，佢讓位畀皇太子遐仁親王，遐仁就係桃園天皇，而自己就做上皇，改叫上皇昭仁，實施院政。三年之後，櫻町天皇死咗，終年三十歲。