欽州

欽州（粵拼：jam¹ zau¹（廣州音）ham¹ zau¹（欽州音）；壯語：Ginhcouh Si），喺中國廣西，如今係地級市，叫欽州市。

地理

山

欽州北有銅魚山。東南有烏雷嶺，佢便下叫烏雷港。

水

欽州南濱海。海中有牙山、龍門諸島。

東邊欽江，由靈山入，向西南到州治南，分為二，向西南匯為貓尾海，屈東南，過龍門入海。北便那蒙江，源出靈山高塘嶺，西南流，右合長潭水，到三門灘，大寺江由西便注入，又向南叫漁洪江，又向東南行合埋欽江。另外篆嶺江亦出自靈山，西南到平銀渡叫平銀江，屈東南同丹竹江合，南流叫大觀港，入海。又有那陳江出西北心嶺，東北到那陳墟叫那陳江，又東北復入宣化叫八尺江。

史

宋朝屬廣南西路，之後喺元朝連同廉州、湛江劃畀廣東，大明時欽州屬廉州府。

大清光緒十四年，欽州升為直隸州，叫欽州直隸州，拆廉州府嘅靈山縣林墟司畀佢，又拆廉州防城、如昔二司做防城縣畀佢。欽州直隸州歸廉欽道，領縣一。欽州亦係廉欽道治所。有沿海、林墟、長墩三巡司。另有那陳司廢咗。

民國時廢府，設欽縣。中華人民共和國喺1965年6月26號，將欽廉地區劃畀廣西。之後又分別喺1983年10月同埋1993年5月拆分出北海市同防城港市，直到而家。

語言

粵語

睇埋：欽廉片

傳統上來講，欽廉靈防嘅粵語都計作欽廉片。其中口音高度接近嘅一迾城市，包括欽州、北海、防城、靈城、小江鎮城同埋大寺等主要墟鎮，講嘅話都泛稱作「欽州白話」 ，口音、詞匯跟高陽片嘅湛江、茂名抑或係邕潯片嘅南寧、崇左都有共同點。而家「欽州白話」多特指欽州城白話，而北海白話、防城白話、靈城白話之類另計。

其他欽廉片粵語重有靈山話、小江話、廉州話、六萬山話，分別分佈喺欽州嘅靈山縣，浦北中部，沿海地區兼浦北南部，同埋浦北西北部。

桂南平話

靈山北部近南寧嗰埞講桂南平話。

哎話

「哎話」集中分佈於少數幾個鎮，比如講張黃鎮等等，屬於畲話。

壯語

壯語分散分佈於喺某啲鎮，例如大寺。