歡聚時代（粵拼：fun1 zeoi6 si4 doi6）係中國一間專門負責整語音傾偈嘅軟件嘅公司，喺中國內地都比較出名下。佢既係全球第一間有好多通訊業務嘅營運商，又係中國內地最大嘅互聯網語言平台供應商，甚至係全球最大嘅團隊語音提供商。呢間嘢喺2005年4月11號成立，總部喺廣東省廣州市天河區黃埔大道中嘅羊城創意產業園3區08棟（建藝國際隔籬），而家喺珠海、北京同上海都有分公司。
呢間公司屬下有YY語音、多玩遊戲、YY遊戲運營，YY教育，YY娛樂等平臺。
