此在

此在（德文：Dasein ）呢個詞係海德格爾喺佢嘅巨著《存在與時間》入面提出嘅哲學概念。Dasein呢個術語冇辦法翻譯成中文，但係可以知道佢係由兩個詞組成：da（此時此地）同埋sein（存有、是）。為咗方面表達da同埋sein嘅關係，有時都會譯成「親在」同埋「緣在」，而「此在」呢個譯法係依家比較普遍嘅譯名。但如果要理解「此在」呢個術語時，唔可以單純將da理解做此時此地，而係要先領會「存在」呢個詞語然後再對存在方式作一個延伸而得出。

海德格爾用此在呢個概念嚟表示笛卡兒同埋康德冇探索到關於存在嘅自然本性。由於啲人喺討論存在嗰陣時，一定會專稱某一個存在物，但係存在嘅本身就隱而不露，所以我哋只係得到存在物嘅本身，而海德格爾就係一直追問存在嘅本質係咩。喺海德格爾角度睇嚟，我哋只有通過呢個方式去理解存在，先可以把握到存在嘅本質。海德格爾將此在定義為：期望、理解、把握、通達，呢啲都係構成存在嘅行為，而且佢哋本身就係一種特定存在者嘅模式，亦即係話，提問呢個問題嘅人向來都係某種存在者嘅存在樣式。所以要理解存在嘅本質就在於把握呢個提問者嘅存在。追問存在嘅本質呢個問題本身受到追問者嘅規定，亦係追問者存在嘅樣式，所以此在就係一種對存在發出追問嘅存在者。由於此在作為一種可以追問存在意義嘅存在者，所以它先可以成為我哋解決存在意義嘅特殊存在者。

海德格爾同尼采一樣都批判本體概念，佢認為此在永遠係一種在世（being-in-the-world、Das In-der-Welt-Sein）嘅存在者。存在嘅基本形式唔係以一種主體或者客體嘅方式，而係以一種在世嘅統一形式，此在以在世嘅方式展開狀態中領會存在本身，呢種展開狀態就係「此」嘅本質含義。

睇埋

• 現象學
• 存在主義