步兵

  想搵第二個意思嘅話，請睇步兵 (搞清楚)。

步兵，係指徒步行軍作戰嘅士兵。隨住科技嘅發展，近現代嘅步兵依靠裝甲運兵車、直升機嚟去到戰場。

日本自衞隊嘅步兵

廣義嚟講，以單個士兵身體作為武器平台進行作戰嘅部隊都統稱做步兵；狹義嚟講，步兵係進行正規攻防嘅兵種，而特種作戰嘅部隊，例如海軍陸戰隊同傘兵等等，都唔屬於狹義嘅步兵部隊。

發展

步兵徒步作戰嘅本質並無大變化，但係戰術、火力、防禦能力、機動能力方面都有改進，可以劃分做冷兵器時代同熱兵器時代。