武寧
武寧係中國江西九江市嘅一個縣，面積3506.6km²，人口37.8萬（2005年數據）。轄8個鎮、11個鄉、1個單位。
- 鎮：新寧鎮、泉口鎮、魯溪鎮、船灘鎮、澧溪鎮、羅坪鎮、石門樓鎮、宋溪鎮
- 鄉：大洞鄉、橫路鄉、官蓮鄉、巾口鄉、東林鄉、上湯鄉、甫田鄉、清江鄉、石渡鄉、楊洲鄉、羅溪鄉
- 單位：萬福經濟技術開發區管委會
史
編輯- 武寧喺周朝係艾候封地，稱為艾地，曾經屬吳、楚、越
- 漢景帝三年（前154年）艾地設艾縣（新朝改名治瀚縣）同海昏縣（新朝改名宜生縣）
- 漢永元十六年（104年）海昏分出個建昌縣，建安四年（199年）海昏、建昌各分一部分做西安縣
- 晉太康元年（280年）西安改名做豫寧縣
- 隋開皇九年（589年）豫寧、艾縣、新吳、永修合併到建昌縣
- 武后長安四年（704年）建昌分出個武寧縣。
自此武寧就定名落來，雖然景雲元年（710年）到寶應元年（762年）間改名爲「豫寧縣」，不過寶應年時，因為唐代宗叫李豫，要避忌皇帝個名，於是改返做武寧。
之後貞元十六年（800年）分武寧8個鄉出去做分寧縣，南唐昇元元年（937年）武寧南邊朱家山以南到鐵門檻劃出，同建昌、奉新劃出嘅地合爲靖安縣。