武漢肺炎帛琉疫情

武漢肺炎帛琉疫情係介紹「武漢肺炎」喺帛琉嘅爆發情形。截至2022年3月13號，帛琉夾埋有3899單確診病例，死咗6個人。

情況

感染單數

死亡個案

2020年：全程零感染

由於武漢肺炎喺2020年1月12號喺中國湖北武漢開始大流行，帛琉政府喺同年月31號宣佈閂嗮冚唪唥出入境道路。喺同年3月3號發現疑似病例但證實虛驚一場後，3月9號開始禁嗮冚唪唥船隻靠近基里巴斯群島邊嘅淺灘，第二日亦禁嗮航班直達。踏入4月，國內冚唪唥學校都閂檔兼拒絕帛琉旅遊申請。喺2020年全年都未發生過單武漢肺炎感染案例。

失守

踏入2021年，帛琉一直重保持武漢肺炎零確診個案，雖然喺同年4月1號開放畀臺灣旅客入境，但係入境政策唔變，重係要求旅客必須要有醫學證明話自己冇呼吸病兼自行隔離14日先至畀入境，不過呢個「入境政策」實行一個月就取消咗。直到2021年5月31號，帛琉終於出現第一單感染個案，不過帛琉官方因爲要尊重患者嘅個人私隱，拒絕透露確診患者喺邊度嚟、去過邊度及接觸過邊啲患者嘅細節兼話武漢肺炎「冇傳播風險」，同年6月11號確診咗第二單武漢肺炎感染個案。直到同年8月21號，帛琉官方先至公佈嗰兩位武漢肺炎患者嘅感染途徑，佢哋都係去過關島，返嚟帛琉後而被確診武漢肺炎。嗰兩位武漢肺炎患者喺同年8月24號好返出院。

疫情爆發

2021年9月15號，帛琉又出現多三單感染武漢肺炎個案，而嗰三單隨後喺呢個月底好返嗮出院。到10月9號，又出多三單感染武漢肺炎個案，三個人喺10日後好返出院。到同年12月，又確診兩單感染個案，總感染數達到兩位數，甚至喺踏入2022年1月初去到15單感染個案。嚟到1月中旬時開始有失守嘅現象，感染個案迅速達到超過一百單，甚至喺2022年1月22號出現單日新增破百嘅感染個案；兩日後嘅總感染個案超過咗五百大關。到同月27號正式突破咗一千大關。嚟到月尾，總感染個案去到1633單。

踏入農曆壬寅新年，感染個案一直都冇停過。到2月3號晚黑，總感染個案突破咗二千大關；一個禮拜後重突破咗三千大關；同月12號出現咗第一單死亡個案。嚟到二月中旬尾，死亡個案去到5單。主要感染個案都係受到Δ同Ο嘅變種襲擊有關。同月20號又出單死亡個案，令死亡個案達到6單。到二月底，感染個案開始減速，直到二月最後一日，感染個案去到3781單。

踏入三月，感染個案一直喺度增長，不過速度越嚟越慢，同月上旬尾去到3892單。隨後每日出現個位數嘅感染個案。