維基百科

武漢肺炎廣東疫情

肺炎廣東疫情係肺炎喺廣東爆發嘅情況。頭一單確診個案喺2020年1月19號，畀北京度嘅國家衛健委確認深圳一66歲男患者係首例確診病例。去到2月12號，粵境累計有1241例確診，累計出院284例，累計死亡2例。另有疑似病例123例[1][2]。

疫情期間嘅廣州西關度，排咁隊買餸嘅市民，個個都有戴口罩。

死亡個案

編輯

2月6號肇慶確診嘅一位55歲嘅重症男患者，封開江口鎮人氏，喺確診當日過身，係首個死亡個案。佢係由2月2號開始有發燒、輕微氣喘等病症。死者在身陣喺鎮度開士多，仲有經營麻雀枱，平日喺本地活動，未有過外遊紀錄：1月24號晚去過封開縣廣信嘉園嘅朋友屋企聚餐，1月28號晚又去過封開縣唐八叔清補羊火鍋店聚餐。

2月12號東莞新增死亡1例，係湖北返粵嘅75歲男性，孝感人氏，原先常住東莞大嶺山鎮。1月12號經武漢返孝感鄉下過年，喺1月22號開始有發燒後自己食藥先，26號返咗東莞後即入院隔離治理，後轉入東莞第九人民醫院收治。

2月18號新增嘅珠海死者係78歲嘅湖北籍男人，係急性呼吸窘迫綜合症、膿毒性休克而死。

廣州飲早茶群組

編輯
内文：飲早茶群組

2021年5月起，廣州爆發群集性武漢肺炎中國大陸疫情，由於首宗病例嘅74歲女患者曾經去過多間茶樓飲茶，並且傳染畀佢嘅部分家屬成員、茶樓中嘅茶客同工作人員，導致多人染咗呢隻病，所以呢個群集性疫情被傳媒稱為飲早茶群組。

疫情同反應

編輯

2020年1月11號上晝，深圳市南山區蛇口人民醫院收治一41歲係當地國際學校老師嘅印度籍女性重症肺炎患者，入院前1周經已有病症[3]，深圳市衛健委宣稱並唔係武漢肺炎[4][5]。 到咗1月19號，深圳一66歲男性患者個案先至畀國家衛健委確認係廣東首例肺炎確診病例。深圳衛健委同時通報話，確認當地仲有另8例觀察病例[6]。

到1月20號晚8點，廣東衛健委會公佈，全粵確認咗十三例（包括咗深圳八單、珠海三單、湛江、惠州各一單），累計十四單肺炎個案[7]。

1月21號下晝，廣東省人民政府喺新聞發佈會度，公佈咗七大防肺炎疫情擴散蔓延嘅舉措，同時公佈全粵30間定點收治醫院名錄[8]。廣州地鐵亦宣佈由1月22號開始，各車站（包含有軌電車）會實施入站乘客體溫測量，同時會加強通風、消毒等[9]。1月23號晚黑廣東疫情防控工作領導小組決定，啟動廣東省重大突發公共衛生事件一級回應[10]。

1月26號廣東當局再發出防疫通告1號文，公告即日起任何人士喺境內公共場所必須戴口罩，否則可依據治安法例，俾公安部門收押同處罰[11]。同日廣州亦發出1號防疫通告，要求1月11號（含當日）後由湖北入廣州人士，應主動向逗留嘅社區、機構或酒店等申報，自行檢測體溫，抵埠起14日內自我隔離觀察，避免外出[12]。有部分市民因未有戴口罩進入公共場地，而俾公安控制同帶走：其中廣州有搭巴士嘅市民因未戴口罩，喺司機報案後未有遵從公安指示，俾噴射辣椒水後拖出巴士同帶走；深圳一進入商場嘅未戴口罩女性，就俾公安閘喺地用繩綁起帶走[13]。

1月29號，廣東政府召開咗討論省嘅疫情社區防控工作視像會議，決定咗開展三項大排查，分別針對廣東確診病例嘅所有密切接觸者、重點疫情地區到粵人士、廣東發熱門診嘅「重點人群」[14]。2月4號，廣東住房和城鄉建設廳就印發咗文件，公佈要求對物業管理區域實施埋「封閉管理」，限制非住戶同外來車嘅出入，仲要關閉埋社區會所、老人活動室等設施[15]。廣東省公安廳出入境管理局同日宣布，為咗配合國家移民管理局暫停港澳遊嘅措施，全粵係由2月3號開始暫停赴港澳簽注申請等簽發業務，自助同網上服務亦一齊暫停[16]。

廣東疾控中心喺2月3號公佈，同埋通知咗星夢郵輪，喺1月19至24號由廣州南沙去越南嘅世界夢號航線度，有3名大陸旅客確診咗有新型肺炎[17]，接受咗隔離治療[18]。疾控中心呼籲所有同過船嘅乘客同職員等，要第一時間聯繫返所居住城市嘅疾控中心報備，兼配合疾控檢疫等。星夢郵輪話公司經已向廣州嘅文廣旅遊局，提交咗呢個航次嘅所有旅客同職員嘅資料。世界夢號喺2月5號停泊到香港啟德郵輪碼頭，接受檢疫隔離等處理。

2月6號肇慶確診咗一位55歲嘅重症男患者，佢係由2月2號開始有發燒、輕微氣喘等病症。患者喺確診當日過身，係廣東首個死亡個案。死者係封開江口鎮人，生前喺鎮度開士多，重有經營麻雀枱，平日喺本地活動，未有過外遊紀錄：1月24號晚去過封開縣廣信嘉園嘅朋友屋企聚餐，1月28號晚又去過封開縣唐八叔清補羊火鍋店聚餐[19]。

中共廣州紀律檢查兼監察委員會喺2月11號公佈，查處咗廣州疾控中心嘅一個陳姓副主任醫師，佢涉嫌喺1月尾開始私下賣口罩牟利，由兩委駐市衛健委嘅紀檢監察組，降低咗佢嘅技術崗位等級，仲收繳埋佢啲私賣所得物[20]。

據2月29號廣東省文化和旅遊廳嘅通報，根據廣東酒店行業協會嘅測算，廣東酒店業喺疫情影響下，2020年一季度嘅直接經濟損失超過500億人仔。廣東有近三成嘅星級酒店畀逼停運，而喺廣州就有57間酒店停運咗[21]。

自3月21號零時開始，廣東對所有由境外（唔含港澳台）經廣東口岸入境嘅人士，仲有經港澳台同粵外口岸入境到粵、而抵埠前14日內有國外旅居史嘅人士，無論國籍只要目的地係廣東，均一律實施14日居家或集中隔離醫學觀察。

2021年5月隨著廣州、佛山、深圳等地相繼再報告多單變種病毒感染個案，廣東省全面強化返防控措施。除臨近佛山、南海縣嘅芳村出入交通全被封鎖嗮，廣州市亦收緊咗出入交通管制，實質進入咗半封城狀態。截至6月7號挨晚芳村嘅白鶴洞同中南片區標識係高風險地區外，廣州市各主要區同佛山禪城、南海等共有十二個地區標識係中風險[22]。呢次廣東新一波疫情爆發速度快，唔夠1個月已出現咗5代傳染。新一輪防疫加碼中多個被封閉嘅屋苑、社區，出現咗生活物資短缺、民眾冇法買餸，唔少人上網發文發聲同求助。有微博網友發文就表示朋友所在嘅屋苑（鶴園小區），被封閉咗好多日而出唔去買餸睇病，同時啲外送平台都送唔到貨過去，似盒馬（平台）雖然送到咗（封鎖線外門崗），但送到時因為肉（因為係冇人轉遞）被擺到臭咗，（6月8號到10號左近）有居民見到有官員巡視仲試過拍窗叫救命[23][24]。荔灣區常務副區長林雋喺6月8號嘅記招度就承認，喺白鶴洞部分嘅老舊小區，由於缺人手送貨而出現咗送達問題，話已尋求市（政府）嘅物業管理支援配送嘅人手。針對中南片區度（供貨嘅問題）林就話，按照市（政府）入邊嘅安排，增加咗華潤萬家作為新嘅供應商，同時請村屋嘅住戶向社區嘅政府人員提供詳細嘅地址以改善配送。林同時話荔灣（區政府）專登組織咗第一批成千個快遞員做好採樣同打疫苗後，就會安排呢批快遞員入芳村做返封閉區入邊嘅派送工作[25]。

自呢波疫情爆發後，廣州市政府度就不停咁組織咗大規模採樣檢測，截至（6月12號）週末累計共驗3600萬以上嘅樣本，發現咗43例陽性。有廣州嘅民眾話，廣州嘅11個（行政）區，10個區基本都係半封閉咗，採樣檢測都有成3次。廣州市原定6月20號舉辦嘅高中會考被押後到咗7月[26]。

連帶行業嘅影響

編輯

據路透嘅消息，由於廣東由2021年5月開始累積報150以上嘅新確診個案，當地政府加碼咗防控工作，導致咗當地啲港口減弱咗貨運處理能力。廣東嘅多個港口包括鹽田、蛇口、赤灣同南沙港（喺6月6號開始嘅一個禮拜入邊）都發出咗通知，暫停接受冇提前預訂下入港嘅船隻，導致咗中國南部嘅運輸港口阻塞，相信係自2019年爆發疫情以來最嚴重嘅堵塞[27]。

徵用私產

編輯

2020年2月11號朝頭早廣東人大常委會召開咗緊急會，即時審議發出咗決定公告，授權縣級以上嘅政府有權「規定臨時性應急行政管理措施」。廣州同深圳嘅人大常委會即時跟進，出埋咗本級嘅決定公告，列明咗各自嘅市同區級政府，有權徵用私人嘅物業同財物等做「應急防疫應變」，兼且有權調配相應嘅應急物資、日用生活品嘅生產同供應。呢個係改革開放以嚟，亦係2007年物權法制訂咗之後，首次有明文嘅授權咗政府有緊急權力去徵用私人財產[28][29][30]。

2020年防範再爆發時針對非裔人士嘅疑雲

編輯

4月開始，廣州陸續新報告多個外籍人士確診個案，仲有外籍人士嘅社區集聚感染，由於集中喺三元里嘅瑤台村，呢帶嘅非洲裔人士活動較多，引發坊間猜測再次爆發疫情嘅擔憂。而瑤台村亦喺集聚病例報告後，重新封閉嚴控出入，商戶都要停業十四日。據啲市民話，三元里嘅一啲社區可能有情況，已加裝咗紅色防護欄，而瑤台係成個隔離咗，啲路都隔咗起身，出入都好難[31]。 而疫情波動令一啲業主擔心非裔租客會有傳播病毒風險，網上一度流傳「廣州黑人暴雷」（即引起大規模嘅社區感染）等訊息，但廣州市公安局即刻否認咗，話坊間資訊係謠言，仲拉咗一個發佈信息嘅男人[32]。

而廣州長期有大量嘅非洲商人活動，政府為咗防止疫情再蔓延，差人同基層公務員等就集中掃蕩，強制驅趕周邊一帶嘅非洲裔人士離開酒店、賓館等，計劃集中採檢同隔離14日。唔少非洲裔人士被逼流落街頭。CNN記者拍到咗廣州政府人員強制驅趕嘅行動，又有街上喺拉拒絕配合嘅非洲人士，由於採檢外仲要額外隔離，好多非洲商人被要求離開租屋處或酒店以接受檢疫，從而露宿街頭。而當地嘅非裔即使冇外遊或接觸史，都要接受檢疫；更有多人即使被隔離結束未發現感染，亦遭到酒店拒絕再入住[33][34][31]。

有奈及利亞（另說係尼日利亞）駐廣州總領事接報，到咗俾防疫部門驅趕嘅國民所在嘅酒店公寓，直接有廣州嘅執法人員手度，搶返咗被收繳嘅國民護照，仲大鬧對方嘅行動，引用埋維也納外交關係公約，要求對方停止拘捕或騷擾所轄嘅國民[33]。而有在華嘅非洲人表示，當地目前唔允許外國人，尤其係黑人進入公共場所，包括購物中心、飯店同醫院。為咗平息事態，廣州嘅非洲社區啲領袖同過當地政府開會，雖然會議作出咗決議，但據當地非裔人士嘅反映，措施仍未結束，仲有非裔人士流落街頭，喺落雨天無處可去。而政府派俾受影響省市嘅外國人嘅通知書就話，「從4月5日至4月7日，街道將組織轄區內非洲籍承租客到指定地點（居委會前面的空地）進行核酸篩查，要求業主／居民知悉並通知家人[35]。」

非洲大使駐北京聯合會（The Group of African Ambassadors in Beijing）喺4月11號，發咗抗議信俾北京嘅外交部長王毅，同時仲發俾咗聯合國人權理事會、非洲聯盟等。信度抨擊呢個作為係中國大陸對非洲人嘅種族主義，要求立即改善[36]。而美國大使館喺4月11號發出咗標題「非裔美國人在廣州被歧視」嘅安全警示，話當地啲差人落柯打叫啲酒吧、食肆，停止招呼啲似非裔嘅客，又話當地啲官員要求同非洲人有過聯繫嘅人，都要強制檢疫同自我隔離，一啲商鋪、酒店仲拒絶咗做非裔美國人嘅生意。中國大陸官方冇公開承認或否認呢啲細節。而非洲嘅尼日利亞丶加納丶肯尼亞丶塞拉利昂丶塞內加爾仲有非洲聯盟，係先後就呢啲事發咗聲明或傳召咗中國大陸當局派駐嘅大使，表達咗對喺廣州非裔人士權益嘅關注，強烈譴責咗當地發生嘅騷擾丶侮辱同歧視非裔人士嘅行為[32]。

針對喺廣州嘅非裔人士同非洲各國嘅指控、呼籲，北京嘅外交部發言人趙立堅喺4月12號回應，話反對任何針對特定人群嘅差異性做法，仲話廣東地方當局係高度重視「非洲朋友的關切」，將會好快咁做調查，仲會改善防疫工作，包括俾需醫學觀察嘅外國人住飯店、適當咁減免經濟困難人士嘅住宿費用等[37]。

睇埋

編輯
 
維基同享有多媒體嘅嘢：
COVID-19 pandemic in Guangdong‎

參考

編輯
  1. ↑ 【新冠】廣東累計確診1241例　75歲老翁湖北返東莞後死亡 HK01 2020-02-13
  2. ↑ 2020年2月17日深圳市新冠肺炎疫情情况 互聯網檔案館嘅歸檔，歸檔日期2020年2月17日，. 深圳市卫生健康委员会 2020-02-17
  3. ↑ 〈深圳政务短信平台区总值班室报告：11日... 来自深圳RAY - 微博〉。2020-01-12。原先內容歸檔喺2020-01-13。喺2020-01-13搵到。｢【深圳政务短信平台】区总值班室报告：11日15:30接公安报，招商街道蛇口医院收治一外籍病人。经卫健核实，患者MAHE SHWARI（女，41岁，印度籍）系深圳科爱赛国际学校老师，一周前出现间断性咳嗽和呼吸苦难，11日8:00，前往蛇口医院急诊科就诊，被诊断为重症肺炎（原因不明）一型呼吸衰竭，病情危重，已转南山医院救治。目前该女子密切接触者均未发现类似等症状。卫健局、公安、招商办正跟进处置，已协调南头办跟进。[南山区总值班室]｣
  4. ↑ 〈深圳卫健委：南山区人民医院收治一例重症肺炎病例与武汉肺炎疫情没有关联〉。《深圳新闻网》。2020-01-12。原先內容歸檔喺2020-01-12。喺2020-01-12搵到。
  5. ↑ 〈网传南山区人民医院收治一重症肺炎病例 南山疾控：与武汉肺炎疫情无关联〉。深圳新闻网。2020-01-12。原先內容歸檔喺2020-01-13。喺2020-01-12搵到。
  6. ↑ 许雯 (2020-01-20)。〈深圳另有8例新型冠状病毒肺炎观察病例在隔离治疗〉。《新京报》。原先內容歸檔喺2020-01-20。喺2020-01-20搵到。
  7. ↑ 〈我省积极应对新型冠状病毒感染的肺炎疫情〉。《广东省卫生健康委员会》。2020-01-20。原先內容歸檔喺2020-01-20。喺2020-01-20搵到。
  8. ↑ 李秀婷 朱晓枫 (2020-01-21)。〈广东新型冠状病毒感染肺炎省级定点救治医院名单〉。《南方网》。
  9. ↑ 裴剑飞 (2020-01-21)。〈广州地铁明起全线网启动体温检测〉。《新京报》。
  10. ↑ 廣東省啟動重大突發公共衛生事件一級回應　應對疫情 RTHK 2020-01-23
  11. ↑ 〈通 告〉。粤防疫指办通〔2020〕1号 广东省卫生健康委员会。2020-01-26。原著喺2020-01-31歸檔。
  12. ↑ 〈广州市防控新型冠状病毒感染的肺炎疫情工作指挥部通告 （第1号）〉。广州市卫生健康委员会。2020-01-26。原著喺2020-01-31歸檔。
  13. ↑ 武漢肺炎：廣州市民拒戴口罩乘車 被公安噴辣椒水，on.cc 東網 2020-01-31
  14. ↑ 广东率先启动三项大排查 2020-01-31 南方日报
  15. ↑ 〈广东最新通知！小区封闭管理，外卖员/快递员不能进〉。《南方都市报》。2020-02-05。原著喺2020-02-05歸檔。
  16. ↑ 武漢肺炎下公安廳停批港澳簽注　包括個人遊一周一行 東網 2020-02-05
  17. ↑ 〈【武漢肺炎】上下船逾4000客　廣州出發「世界夢號」郵輪3人確診〉。《香港01》。2020-02-04。喺2020-02-05搵到。
  18. ↑ 〈世界夢號三內地人確診　三名船員發燒需隔離〉。《香港01》。2020-02-05。喺2020-02-05搵到。
  19. ↑ 武肺第二大省广东首例死亡个案确诊当天不久即不治 RFI 2020-02-07
  20. ↑ 广州疾控中心一副主任医师倒卖医用外科口罩 被处分 2020-02-12 中国新闻网
  21. ↑ 〈粵酒店客量大減98% 損失500億元〉。《明報》。2020-03-01。喺2020-03-01搵到。 {{cite news}}: Cite has empty unknown parameter: |dead-url= (help)
  22. ↑ 廣東疫情仍吃緊 昨再增10例確診、9例無症狀感染 自由時報 2021-06-08
  23. ↑ 廣東16區疫情升溫！生活物資短缺 封鎖隔離民眾怒吼 新頭殼newtalk | 張心睿 綜合報導 2021-06-10
  24. ↑ 廣東爆疫｜傳廣州芳村民眾兩日兩夜冇嘢食 官員視察時高呼求助 互聯網檔案館嘅歸檔，歸檔日期2021年6月15號，. 2021-06-09 蘋果日報
  25. ↑ 荔湾芳村片区有望恢复社会化快递配送，首批千名快递小哥正接种疫苗 2021-06-08 21世纪经济报道
  26. ↑ 中國疫情持續延燒　廣東、浙江再爆病例 2021-06-15 民視新聞網
  27. ↑ 廣東爆疫致港口堵塞惡化 互聯網檔案館嘅歸檔，歸檔日期2021年6月15號，. 2021-06-11 yahoo新聞
  28. ↑ 【武漢肺炎】廣深緊急立法 政府可徵用私人財產抗疫 互聯網檔案館嘅歸檔，歸檔日期2020年3月27號，. am730 2020-02-11
  29. ↑ 廣東省緊急立法授權政府可徵用私人財產抗疫RTHK 2020-02-11
  30. ↑ 廣東緊急立法授權 廣州深圳可徵用私人財產抗疫 中央通訊社（臺灣） 2020-02-11
  31. ↑ 31.0 31.1 【武漢肺炎】廣州防暴警「排非」畫面曝光！ 非裔怒控斷水斷糧：這就是中國人對待非洲人 互聯網檔案館嘅歸檔，歸檔日期2020年4月12號，. 蘋果日報 2020.04.10
  32. ↑ 32.0 32.1 肺炎疫情：非洲裔人士在中國廣州「被歧視」 引發外交風波 BBC中文 2020-04-12
  33. ↑ 33.0 33.1 【有片】傳廣州3尼日利亞人被隔離收繳護照　尼總領事交涉爆衝突 HK01 2020-04-11
  34. ↑ 廣州社區感染 CNN：非洲人被趕出、無處住 TVBS新聞
  35. ↑ 譚德塞快看！非裔被中國指控成病毒來源 黑人慘遭種族歧視 自由時報 2020-04-11
  36. ↑ 種族歧視在中國！全文公布非洲國家駐中國大使聯合抗議信函 自由時報 2020-04-13
  37. ↑ 非洲多國集體抗議中國人歧視 中國外交部低頭答應改善 自由時報 2020-04-13
由「https://zh-yue.wikipedia.org/w/index.php?title=武漢肺炎廣東疫情&oldid=2092827」收