武漢肺炎廣西疫情
呢版要更新，以反映最新情況。加完料之後唔該拎走個模。 |
疫情同反應
編輯2020年1月21號廣西衛健委通報，北海市確認一武漢遊客有發熱等症狀，收治隔離咗，病情穩定[1][2]，晚黑再確認梧州市有1例疑似病例報告，患者有接觸過武漢來訪人士，跟著就有發熱嘅症狀[3]。1月22號確認兩例均係確診病例[4]。至24號凌晨消息，已有確診病例十三單，其中北海六單，柳州、桂林各兩單，梧州、百色、河池各一單，同時113個密切接觸者接受緊醫學觀察[5]。
截至1月30號，廣西已喺多個高速出入口同高速服務區、客運站、客運碼頭設置咗衛生檢疫站，公共交通領域度全面推行咗清潔消毒，開通高速路應急防疫物資嘅綠色通道等。1月31號，廣西交通運輸廳印發咗交通運輸保障方面嘅通告，要求確保應急救援人員同防疫物資及時運達，明確咗地方入邊各個交通設卡、攔截、斷路等封鎖交通陣嘅一啲安排，提到需要對醫護同老幼病殘孕等群體嘅出行保障[6]。
廣西嘅防控施行似喺南寧度，將打擊「傳銷人員非法聚集」當作重點工作之一，其中2月4號興甯區嘅腰塘差所派警員，到轄區嘅澳華花園度掃蕩咗外江人士合租嘅單位，按照要求將啲租戶隔離咗同醫學觀察，而興甯區打擊傳銷辦公室將啲租戶同單位列入咗重點涉傳關注對象。當局通報截至2月5號，廣西度有18單確診病例，新增144單疑似病例例，除咗崇左市累計有13個市報告168單確診病例[7]。
2月11號據中共南寧紀律檢查兼監察委員會網頁發出嘅公告，喺2月5號，南寧嘅衛健委藍姓辦公室主任透過微信群組，私下（繞過咗政府管控）向家族群組同鄉里群組，漏咗啲所掌握到嘅疫情防控資訊，喺當地嘅社交網路度迅速流傳，引起咗一定嘅影響。南寧兩委喺2月10號決定咗，撤銷呢個衛生官嘅中共黨內職務兼且撤埋官職[8][9]。
參考
編輯- ↑ 〈广西北海市发现1例疑似新型冠状病毒感染的肺炎病例〉。中新网。2020-01-21。喺2020-01-21搵到。
{{cite web}}: CS1 maint: url-status (link) - ↑ 〈习近平对新型冠状病毒感染的肺炎疫情作出重要指示〉。《中国政府网》。原先內容歸檔喺2020-01-20。
- ↑ 〈广西今日新增1例新型冠状病毒感染的肺炎疑似病例〉。广西壮族自治区卫生健康委员会。2020-01-21。原著喺2020-02-01歸檔。喺2020-01-21搵到。
- ↑ 〈广西确诊2例新型冠状病毒感染的肺炎病例〉。《廣西壯族自治區衛生健康委員會》。2020-01-22。原著喺2020-01-25歸檔。喺2020-01-22搵到。
- ↑ 〈广西新增新型冠状病毒感染的肺炎确诊病例8例〉。《廣西壯族自治區衛生健康委員會》。2020-01-23。原著喺2020-02-29歸檔。喺2020-03-21搵到。
- ↑ "进得去出得来"广西施行省际市际客运旅客实名登记 互聯網檔案館嘅歸檔，歸檔日期2020-02-01. 2020-02-01 广西新闻网
- ↑ 广西出现多例家族式聚集病例 南宁盯防传销人员非法聚集 2020-02-06 中国新闻网
- ↑ 南寧衛健委官員因發布不實疫情被撤黨內和政務職務 RTHK 2020-02-12
- ↑ 南宁卫健委办公室主任擅自散布不实疫情信息被撤职 2020-02-11 中国新闻网