武漢肺炎所羅門群島疫情

武漢肺炎所羅門群島疫情係介紹「武漢肺炎」喺所羅門群島嘅爆發情形。截至2022年2月5號，所羅門群島夾埋有2357單確診病例，死咗21個人。

情況

菲律賓包機撤僑出現感染個案

所羅門群島喺2020年10月3號確診咗第一單武漢肺炎個案，患者係位喺同年9月底從菲律賓包機撤僑嘅學生公民，期間曾經提供過3次核酸檢測陰性證明而獲得返到所羅門群島資格，喺入境海關時檢測到陽性。八日後確診第二單武漢肺炎個案，患者曾經喺同年9月底接觸過從菲律賓撤僑嘅學生。隨後政府宣佈延長隔離期，由14日改成21日。而嗰位學生公民嘅隔離期從14日延長到35日。後嚟喺菲律賓包機撤僑嘅飛機陸續出現確診武漢肺炎患者，去到同月15號，感染個案去到4單。

體育代表團出現感染個案

2020年10月27號，有四位足球隊成員喺英國返紐西蘭轉機到所羅門群島，入所後發現感染武漢肺炎個案。重喺11月3號確診多五單武漢肺炎個案，其中有四位患者喺英國轉機返嚟，淨低嗰位喺南韓搭飛機到紐西蘭轉機返嚟。六日後又確診多3單，其中有兩位喺英國搭飛機返嚟足球員，淨低嗰位喺菲律賓搭飛機返嚟嘅公民。當日有5位患者好返出院嘅同時，連喺菲律賓起飛返所羅門群島嘅航班都正式取消咗。同月24號確診第17單感染武漢肺炎個案。

被截人蛇嘅感染個案

2020年12月4號又再確診多三單武漢肺炎個案，患者都係非所羅門群島籍嘅人蛇，佢哋都係通過搭快艇形式到所羅門群島界時通過非法入境形式入境時俾邊防叉住。不過嗰三單冇俾所羅門政府計入。

2021年得零星感染個案

踏入2021年，喺2月8號確診第18單感染個案，重喺同年3月29號、4月9號先後確診夾埋兩單感染個案。隨後一直未出現過感染個案，淨低啲患者亦喺同年陸續好返出院。直到大除夕前五日重新出現感染個案，到大除夕當日，感染總數淨去到22單。

2022年：大爆發感染

踏入2022年，1月前半都未出過單感染個案，直到同月17號，疫情開始出現爆發。喺17號當日出現七單感染個案，其中有6人喺帛琉返嘅健康站工人，淨低嗰位喺澳洲昆士蘭州布里斯班搭飛機返嚟時發現。三日後，疫情出現大爆發，當日出現單日新增48單感染個案，估計單嘢可能係由人蛇，通過貨運物流將病毒帶到所羅門有關。隨後政府喺首都宣佈開始封國。不過感染案例一直都冇停，兩日後嘅總感染數去到289單，重喺22日單日新增破百。嚟到25號，感染總個案已經超過五百大關，重第一次出現死亡個案。嗰兩位死者分別係51歲（女）同59歲（男）嘅公民。第二日嘅感染總數超過750單，重死多三人。踏入二月，感染個案已經破咗一千大關，總死亡人數亦突破咗兩位數；重喺三日後突破咗兩千大關，總死亡人數超過廿人。