武漢肺炎菲律賓疫情

武漢肺炎菲律賓疫情,係介紹2020年「武漢肺炎」喺菲律賓嘅爆發情形。總統杜特地喺3月17號宣佈咗全境進入「災難狀態」(state of calamity),時間暫定係6個月[1]。截至9月23號,累計有283,460單確診病例,4,830單死亡病例。

菲律賓病例分佈區域圖(截至2020年3月8號
  有確認報告病例嘅地區
  有疑似報告病例嘅地區

傳播同報告時序 編輯

2020年1月27號,據菲律賓衛生部長法蘭西斯高⋅杜克 (Francisco Duque III)接受傳媒訪問陣話,菲律賓確診咗首例肺炎病例,同時間有11單疑似病例,喺度接受咁隔離觀察治理,患者分別來自中國、美國同巴西[2]

1月28號,由香港出發嘅世界夢號郵輪抵達馬尼拉,菲律賓檢疫局同意乘旅客埋岸,但當地民衆因擔心會令肺炎病毒帶入菲律賓而抗議,世界夢號後取消至蘇碧灣嘅預定而返程[3]

3月7號,菲律賓衛生部部長出席記招,確認咗3月6號時確診嘅第五單病例,係菲首例肺炎本地傳播病例,62歲嘅男患者冇外遊記錄。59歲嘅太太就喺7號確診[4]

3月11號當局報告顯示,一禮拜入邊新增十六單,總確診數達49例,其中有一單死,係中國大陸境外嘅首個死亡個案[5]

應對 編輯

喺2月初馬尼拉嘅亞當森大學(Adamson University)試過發布備忘錄,要求啲中國籍學生自我隔離直到2月14號,重話畀啲中國大陸人士去推遲同大學嘅所有交易。放上網冇耐就俾人批評,大學第二日就改咗下個指令,唔受先前條件限制嘅中國籍學生同訪客,唔包喺要接受自我檢疫諮詢嘅人員入邊[3]

3月7號有咗首單本地傳播個案報告後,部分城市跟著宣佈3月9、10號停課[4]。 菲律賓喺9號宣佈咗進入「公衛緊急狀態」,首都馬尼拉多間中小學校同大學都要暫時關閉[5]

疫情爆發顯現時,當局為咗壓制疫情,總統杜特地喺3月12號晚宣布,由3月15號開始嘅30日,將對馬尼拉都會區實施「封城令」,會實施宵禁同閂商場,而藥房、銀行等提供必須服務或貨物嘅機構,就可以繼續開[6]。進出大馬尼拉嘅國內陸運、海運同埋空運係都會跟著暫停,兼會實施社區隔離仲有停課等措施[7]。同時生效嘅宵禁令,涵蓋咗大馬尼拉嘅16個市,時段係晚8點到第二日晨早5點,違反宵禁令嘅人淨系會畀告誡,唔會畀人拉。而醫護、送遞食物同其他有必要外出嘅人,都可獲豁免。

而菲律賓嘅證券交易所後尾又宣佈,為咗確保僱員等嘅安全,股市、債市、匯市都會由3月17號開始暫停交易,成為咗全球首個因肺炎疫情而關閉金融市場嘅國家[8]

而佔咗全國人口半數以上嘅呂宋島,亦由3月17號開始咗封島、強化埋社區隔離, 3月20號開始呂宋島(包埋大馬尼拉)各機場亦會禁埋國際線嘅班機出境[1]

財政支援 編輯

菲律賓政府喺3月中,計劃咗會推出271億菲律賓比索(約合5.27億美金)嘅財政刺激計劃,以紓解疫情對經濟嘅影響。政府嘅支出計劃,包括咗支持旅遊業嘅140億比索,仲有31億比索去到採購檢測試劑盒、同埋控制疫情蔓延嘅其他措施,20億比索係財政支持受影響嘅工人同企業。其他措施包括為失業工人提供貸款同技能培訓[9]。另一方面政府亦宣布,凍結市面嘅所有基本食品同用品嘅價格,打擊囤積同炒賣。

死亡個案 編輯

菲律賓2月2號報告首宗死亡病例,同時又係中國大陸境外首個死亡病例。死者係來自武漢嘅44歲男姓,喺馬尼拉一醫院不治。世界衛生組織話,死者入境菲律賓前已受咗感染。而菲律賓衛生部長仲話,同呢名武漢男死者一齊入境嘅38歲中國女子,係菲律賓首例確診個案,女患者據報喺醫院康復咁[10]

3月21號新增嘅一死亡個案,死者係60歲嘅知名中國研究學者巴維拉(Aileen S.P. Baviera),係菲律賓大學亞洲中心嘅院長,凌晨4點左右喺聖札羅(San Lazaro)醫院病逝。佢生前享譽喺中國同埋亞洲研究學界,對研究同紀錄東南亞民間另類經濟模式,有過好大貢獻。佢係長期研究中美菲關係,仲關注南海主權問題嘅知名學者[11][12]

編輯