殖民地係指由宗主國統治,政治、經濟、軍事同外交方面完全由宗主國控制嘅地區。廣義嘅殖民地重包括雖然擁有行政機關、軍隊等國家機構,但經濟、軍事、外交等一方面或多方面俾另一個國控制嘅半殖民地國家同埋保護國,以及委任統治地、託管地,以及殖民主義國家喺呢啲地區設置嘅「海外領地」、「附屬地」、「海外省」等。第二次世界大戰後,世界上大多數殖民地獨立,舊嘅世界殖民系統唔再存在。

1945年嘅殖民地分佈

由殖民地嘅性質上嚟講,大致可分為拓殖型殖民地、資源掠奪型殖民地同埋商業殖民地三種主要類型,呢三種殖民地係隨住資本主義嘅發展進程而順次序出現嘅。