毓靈橋
毓靈橋（粵拼：juk1 ling4 kiu4）係中國廣東廣州嘅一座古橋，喺荔灣區芳村沖口嘅宏信922創意園南邊同杏花大街北邊之間嘅河流上邊。而家係廣州市文物。
| 毓靈橋 | |
|---|---|
| 廣州市文物保護單位 | |
 | |
| 喺邊 | 荔灣區沖口 |
| 類 | 古建築 |
| 時代 | 大清 |
| 冧 | 4-17 |
| 登錄 | 1993年8月9號 |
| 地圖 | |
概況 編輯
呢座橋究竟幾時起，重係眾說紛紜。有話喺大明年代起，有話喺大清道光年間起。個名之所以做「毓靈」，係因為呢度之前嗌過鍾秀鄉，而「鍾秀鄉」一名，喺「鍾靈毓秀」個詞嚟。歷史上，當地人話毓靈橋鎖咗沖口山川嘅靈氣而搞到附近嘅沖口村出咗好多猛人，所以點解有「龍門」個名響度。
呢座橋雖然年久失修，試過俾人整爛，但喺1990年秋被修復過。形成古橋流水、紅花綠樹同蝶飛鳥鳴之景。1993年8月9號俾廣州市人民政府列為文物。
樣 編輯
佢係座古代樑式石橋。長25米，闊2.04米，兩邊有石級式引橋。橋面部分由15條闊同厚都係40cm嘅完整石條整成。2個橋墩寬同厚都係2m，靠近水面部分，整成船形嚟減少水嘅衝力。成座石橋結構比較緊密，冇畫到任何花紋圖案，而且造型古樸。用料係質地比較硬嘅青花崗石。