民宿

民宿（粵拼：man4 suk1）喺一般情況下有兩種解釋：其中一種係自己起嘅住宅入面，將空咗嘅房出租畀第個人或住客兼由主人同佢啲家人負責搞衛生同埋入住、接待客人等服務。嗰啲樓通常以平房為主，最高都唔夠5層樓，建築面積都冇800m²。第種情況係私營嘅旅館仔，房量既少過商務旅館，又未必有接待櫃檯同着制服嘅前台人士。一般嚟講，呢啲建築通常規模好細，唔出名，兼內部環境比較罨縶。

喺中國大陸，鄉下地區一般嗌佢做「民宿」，城區一般嗌佢做「快捷酒店」或「快捷賓館」。