氚，讀做『川』，拉丁學名Tritium，中文又叫超重氫，係氫嘅同位素之一，符號T 或者³H。氚原子核係由一粒質子同兩粒中子組成。氚因為有β衰變，所以有放射性，半衰期為12.43年。
由於氚嘅β衰變，只會放出高速移動嘅電子，穿唔過人，因此，人吸好多氚先至有害。
喺地球自然界裏便，相比起普通氫氣，氚嘅含量極少。宇宙射線所帶嘅高能量中子，撞埋氘核，先至會兩者結合做氚核。
氚同氘一樣，都係製氫彈嘅原料。
