永安百貨 (廣州)
想搵第二個意思嘅話，請睇永安百貨。廣州永安百貨公司，簡稱係永安百貨、永安公司，係廣州西關嘅一家老牌百貨公司。喺1947年開業，最先喺十八甫（德星路），以代理上海皇后牌毛線而出名。據報由於公司樓宇成咗危樓，而喺2003年結業[1][2]。
| 永安百貨公司 | |
|---|---|
| 商舗嘅詳細信息 | |
| 喺邊 | 廣東省廣州市荔灣區 下九路94—96號（依家嘅荔灣廣場位置） |
| 開張 | 1947年 |
| 執笠 | 2003年 |
| 商業建築面積 | 2,300 m² |
規模
編輯原先係有四層嘅零售商場，仲附設有服裝加工場、批發業務部、機團供應組[3]。1990年代時候係上下九商業區規模較大、設施較先進嘅綜合百貨公司。
歷程
編輯永安公司嘅發展路同先施好相似。佢都係由澳大利亞華僑郭樂、郭泉兄弟創立嘅，係先到香港立足，後尾先轉廣州開分號[4]。
到咗中共建政後嘅1958年，公司併入咗大光、三友等16間細嘅百貨鋪，就搬咗去下九路。
1966年改名紅旗百貨商店，1974年恢復原名。
1992年永安百貨裝修後，利用天花、櫃頂等設置嘅100幾個彩色燈箱介紹啲商品，而別具特色，配埋咗中央空調、自動扶梯。
特色
編輯廣州永安公司原先最出名嘅，係賣毛線同床上用品。而永安公司仲會定期搞時裝表演、商品操作同製作表演，派贈品仲有摸彩活動[4]。