永寧廣場大廈
永寧廣場大廈響澳門半島花地瑪堂區永寧街、永寧廣場、菜園路同中心街，係屬於房屋局嘅經濟房屋。
 永寧廣場大廈 | |||||||||||
|---|---|---|---|---|---|---|---|---|---|---|---|
| 所屬堂區 | 花地瑪堂區 | ||||||||||
| 房屋類型 | 經濟房屋 | ||||||||||
| 房屋用途 | 住宅 | ||||||||||
| 總塔樓座數 | 4 | ||||||||||
 |
第1座 | ||||||||||
| 入伙日子 | 2011年6月23號 | ||||||||||
| 樓齡 | 13年 | ||||||||||
|
|
第2座 | ||||||||||
| 入伙日子 | 2011年6月23號 | ||||||||||
| 樓齡 | 13年 | ||||||||||
|
|
第3座 | ||||||||||
| 入伙日子 | 2011年6月23號 | ||||||||||
| 樓齡 | 13年 | ||||||||||
|
|
第4座 | ||||||||||
| 入伙日子 | 2011年6月23號 | ||||||||||
| 樓齡 | 13年 | ||||||||||
背景
編輯永寧廣場大廈由四座樓高廿六層嘅塔樓組成，加埋提供八百八十個經濟房屋單位，包括二百八十八個一房（T1）單位，一百九十二個兩房（T2）單位，三百五十二個三房（T3）單位同四十八個四房（T4）單位[1]。 2011年10月10號，澳門政府響政府公報入面刊登第273/2011號行政長官批示，公佈永寧廣場大廈八百八十個經濟房屋單位嘅售價同補價比率。房屋局根據可以配售單位嘅數量，11號開始向合資格嘅經濟房屋輪候家團寄出揀樓通知信，分批安排響10月25號到11月22號期間參觀永寧廣場大廈入面嘅實地示範單位；11月1號開始按次序安排家團代表去房屋局選購單位。永寧經屋平均呎價係一千二百五十六蚊[1]。 10月25號，開放畀獲甄選家團到示範單位參觀，截至下晝五點，一共接待咗九十二人，整體秩序良好[1]。
事件
編輯電錶功率過細事件
編輯2012年6月，為咗回應永寧廣場大廈住戶對舒適家居生活嘅渴求，要求加大電錶嘅訴求，房屋局跟進永寧廣場大廈提升電力系統工程，包括新加兩間變壓器房、住宅大堂安裝新總供電箱、修改垃圾房增加新電房同安上升電纜，相關工程費用由行政當局負擔。 2012年9月，房屋局提升大廈電力系統工程完工；等權限部門驗收之後，住戶可以按照自身用電需要而申請加大電錶。基於用者自付原則，申請加大電錶嘅手續同相關費用由住戶自行負責[2]。
中央石油氣喉生鏽穿窿事件
編輯2015年2月9號，大廈小業主組成的關注組反映，早響2011年底入伙嗰陣就發現大廈嘅中央石油氣喉有生鏽嘅情況，當時向房屋局反映，局方同相關燃氣供應商都拍心口話條喉保用三十年。然後到2014年9月，燃氣供應商幫大廈做年度檢查，發現中央石油氣喉出現漏氣。通報房屋局之後，有關方面開挖部分地下睇吓條喉咩事，發現情況比想像中嚴重，好多條喉都生鏽重穿窿，石油氣濃度極高。當局雖然對抽檢證實有即時漏氣危險嘅十幾戶停止供氣，以罐裝石油氣頂住。但係小業主都係覺得冰山一角，其他冇被檢測到問題嘅喉管，如果都有穿窿嘅情況，因為漏氣搞到爆炸，後果不堪設想。據知道為咗追究邊個有責任，房屋局已經委託第三方全面檢查同化驗永寧經屋嘅中央石油氣喉，最快2015年底有報告。住戶好似坐響啲針到，唔知幾時會出事。而針對漏氣問題，有關當局制訂咗解決方案，響每個單位嘅騎樓安錶箱同埋加新嘅石油氣喉，費用由當局墊支，2月3號亦舉辦咗說明會同業主商討。會到絕大部分業主都反對相關方案，認為如果加咗新錶箱響騎樓，勢必影響單位裝修，變相縮細可用地方。胡式潮講明，入伙只係三年就發生漏氣問題，源自當局當初對大廈公共設施質量嘅驗收唔掂，責任唔響小業主到，現時就要小業主付出家居空間重裝燃氣系統唔合理，業主已經犧牲得太多。佢重話房屋局通知會響3月份再開會，由小業主投票決定係唔係開展工程，但係局方擺出如果今次唔整，之後就係你哋嘅責任。嘅態度，令到業主感覺被人威脅。所以雙方而家處於膠着狀態，問題唔知點算[3]。
意外
編輯2017年3月22號晏晝三點幾，中心街永寧廣場大廈第四座五樓發生一單懷疑企圖跳樓事件。據了解，當時一個身穿白衫嘅男人情緒激動企響原本用嚟擺冷氣機機頭嘅位到，消防同治安警接報後立即趕到現場，治安警重封鎖附近一段馬路，而消防員就響目標單位對開嘅地下吹氣墊床，防止呢個男人跌落嚟跌死。直到晏晝三點五十五分，個男人自行返翻入屋，警方其後派人到場了解，事件入面冇人受傷[4]。