氹仔威翠花園

氹仔威翠花園響澳門氹仔嘉模堂區南京街同大連街，係屬於房屋局嘅經濟房屋。

氹仔威翠花園
澳門公共房屋
所屬堂區						嘉模堂區
房屋類型						經濟房屋
房屋用途						住宅
總塔樓座數						1
			第1座
			入伙日子			1993年11月27號
			樓齡			30年
停車場
			氹仔威翠花園停車場
			詳細資訊一覽 出入口位置：大連街

意外

2013年9月22號，氹仔威翠花園十九樓一個單位有簷篷搖搖欲墜，同一時間十樓都有單位有簷篷搖搖欲墜。

2014年4月3號朝早十點左右，威翠花園發生一單懷疑墮樓事件。威翠花園一個住戶話響單位入面突然聽到平台發出巨響出去睇吓，發現一個男人瞓響二樓平台到，叫極都冇反應，之後去管理處叫管理員報警。消防救援人員接報到場之後證實個男人已經死咗。司警局人員調查，確認死者身份姓盧，男姓，廿四歲，澳門居民，根據佢屋企人話死者生前患有精神病，曾經接受治療，而家住響澳門一間康復中心。根據中心職員話，事主響3號清晨七點之前已經出咗去，但係之後失去聯絡唔知去向。直到接到司警局通知先知呢單嘢。司警之後同現場大廈嘅住戶查詢，冇任何結果，之後去大廈廿二樓天台，發現入口鐵門冇上鎖，任何人都可以自由出入，再響伏屍地點往上望，發現廿一樓嘅簷篷明顯爛咗，估計係跨越天台圍牆，企響簷篷上邊跳落嚟，同伏屍跌落地點脗合。現場冇發現遺書。司警認為事件冇可疑，初步相信係一單自殺案件。確實死因有待法醫檢驗確定。案件交畀調查科跟進。