求救暗號（粵拼：kau4 gau3 am3 hou6；英文：Duress code）係隱密嘅遭難訊號。舉個具體例子，想像阿明知道自己好可能會畀人綁架，於是佢就事先搵警察同佢哋講好，話自己如果身處險境，會用「芝士漢堡」呢隻字詞嚟做求救嘅暗號；冇幾耐之後，阿明發覺自己畀可疑人物跟蹤，於是佢就打電話，同電話另一邊嗰位警察講「我想嗌一個芝士漢堡」—噉樣啲警察就知道要行動，同時跟蹤住阿明嘅賊人唔知「芝士漢堡」係叫警察嚟保護阿明嘅暗號。好似呢種「事先講好用嚟求救」嘅字句，就係所謂嘅求救暗號[1]。
