江戶川柯南
江戶川柯南（日文：江戸川 コナン／えどがわ コナン Edogawa Konan），係青山剛昌作品《名偵探柯南》嘅男主角，原本叫工藤新一（日文：工藤 新一／くどう しんいち Kudō Shin-ichi）。
| 江戶川柯南 工藤新一 | |
|---|---|
| 名偵探柯南嘅角色 | |
| 扮演 | 藤崎直（江戸川柯南） 小栗旬→溝端淳平（工藤新一） |
| 配音 | 高山南（江戸川柯南） 山口勝平（工藤新一） |
| 詳細信息 | |
| 性別 | 男 |
| 職業 | 高中偵探生 |
| 家庭 | 工藤優作（父） 工藤有希子（母） |
| 國籍 |  日本（工藤新一）無國籍（江戸川柯南） |
創造
編輯將工藤新一變做一個細路嘅諗法，靈感嚟自赤川次郎《三毛貓福爾摩斯系列》嘅主角「福爾摩斯」。
「江戶川柯南」呢個名入面，「江戶川」嚟自日本小說家江戶川亂步、「柯南」嚟自英國推理小說家柯南·道爾；至於「工藤新一」呢個名，個姓「工藤」嚟自偵探連續劇《偵探物語》主角工藤俊作、「新一」就出自日本科幻小說家星新一[1]。
概說
編輯江戶川柯南原本叫工藤新一，17歲，身高174cm，生日係5月4號，響帝丹高中讀二年級。老豆係世界有名嘅推理小說作家工藤優作，阿媽就係女明星工藤有希子。
高中一年級個陣，佢坐嘅個架飛機發生殺人事件，佢響順利解決事件後令到差人甘拜下風。之後佢又陸續解決幾單案，出嗮風頭，畀人叫做「平成嘅福爾摩斯」、「日本警察救世主」，同另一位高中生偵探服部平次並稱「關東工藤，關西服部」。
一次同好朋友毛利蘭去迪士尼玩，見到一班可疑人士（黑暗組織）響暗角進行交易，畀對方發現，將依然仲響測試階段嘅毒藥APTX4869強迫工藤食咗佢，以此殺人滅口。但由於藥物嘅副作用（組織唔知），工藤並冇死，但身體就縮細成七歲個陣嘅樣。響聽取鄰居阿笠博士嘅意見之後，佢決定改名「江戶川柯南」，入讀帝丹小學一年級，依家住響毛利蘭個老豆毛利小五郎屋企。為咗得到解藥，變返原來個樣，佢堅持調查黑暗組織。
當飲咗中國酒「白乾兒」之後，佢會短暫變返原來個樣（24個鐘）。
技能
編輯擁有住一流嘅推理能力，學識淵博、才思敏捷，擅長觀察同埋分析，同時繼承咗老豆嘅推理能力同阿媽嘅演技（但優作都話佢嘅觀察力仲係差啲）。雖然身體變細，但個腦、性格等冇變，所以佢依然可以幫手查案。由於身體上嘅限制，阿笠博士為佢度身訂造咗太陽能滑板、領帶變聲器、手錶麻醉槍、伸縮肩帶等嘅發明。曾經多次透過麻醉毛利小五郎、跟住扮係毛利去解決案件，當然佢唔止麻醉過毛利一個人。
FBI同日本差人都好信任佢，以至於一有大案就會聯絡佢，當然他亦有份參與。
運動唔錯，最叻踢足球。初中時期係足球社大將、負責中場，但升到高中後就冇加入足球社。佢話係玩足球純粹係想培養出偵探應該有嘅運動神經，從來冇打算向足球呢方面發展。佢嘅反射神經非常好，腳力甚至好過一般嘅成年人。佢嘅慣用腳係右腳，不過佢踢波嗰陣會用左腳。
人際關係
編輯已知江戶川柯南真實身分
編輯- 阿笠博士
- 工藤優作・工藤有希子
- 服部平次
- 灰原哀 / 宮野志保
- 黑羽快斗
- 貝爾摩德
- 本堂瑛祐
- 宮野明美
- 赤井秀一
- 世良真純
- 瑪麗・世良
- 挪亞方舟
- 愛爾蘭
其他故仔
- 雷朋三世
- 峰不二子
- 次元大介
- 第十三代石川五右衛門
- 寺井黃之助
影響
編輯基於《名偵探柯南》嘅知名度，江戶川柯南亦都出名。響華人圈，啲人調查失物、案件真相等行為，媒體多稱之為「扮柯南」，成為查案嘅代名詞[2]。
攷
編輯- ↑ ETtoday新聞雲。〈《柯南》10主角名字的由來！ 工藤新一「取名內幕」和松田翔太有關 | ETtoday星光雲 | ETtoday新聞雲〉。star.ettoday.net (繁體中文)。喺2022-01-03搵到。
- ↑ 聯合新聞網。〈雷／劉品言「華燈」小姐側拍流出 網追：兇手是妳〉。《噓！星聞》 (中文)。原著喺2022-01-02歸檔。喺2022-01-03搵到。
- ↑ 〈日本柯南雕像被運去英國貝克街！與福爾摩斯雕像並排！ - ezone.hk - 遊戲動漫 - 動漫玩具〉。《ezone.hk 即時科技生活》。喺2022-01-03搵到。