汶川（粵拼：man6 cyun1）喺四川偏西，家下係阿壩藏族羌族自治州入面一個縣，叫汶川縣。佢係中國四個羌族聚居縣之一。汶川縣因汶水所以叫汶，據《元和郡縣誌》講：「梁置汶川縣，因縣西汶水為名。」。汶同泯係同源字，汶水就係泯江。呢度亦都係建立夏朝嘅大禹嘅故鄉。
2008年5月12號，汶川一帶發生黎克特制8.0級強烈地震，帶嚟嚴重嘅破壞。縣城同縣裏面嘅映秀鎮已有過萬人死傷。由溫家寶親自到場指揮救人。
