沙漠化

沙漠化指原本由植物覆蓋嘅土地變成不毛之地嘅自然災害現象。所指嘅「沙漠」多數強調土地唔適合植物生長或者發展農業，而唔係因為地域本身乾燥所造成嘅沙漠氣候。不過，冇植物生長嘅土地由於唔能夠蒸散分配水分，結果亦都可能反而導致乾燥氣候。

鹹海乾涸，船隻擱淺

沙漠化現象可能係自然嘅。作為自然現象嘅沙漠化係因為地球乾燥帶移動，所產生嗰氣候變化導致局部地區沙漠化。不過，今時今日世界各地沙漠化嘅原因，多數係歸咎於人為原因。人口急速增長，所居住嘅土地被過份耕種或者飼養禽畜，導致土地枯渴唔適合種嘢。

中東嘅美索不達米亞地區（即係今日嘅伊拉克）係世上最早發展農業嘅地域之一，從而發展成世上最早嘅文明發祥地之一。美索不達米亞嘅土壤本來好肥沃嘅，不過由於過度嘅農業活動、加上啲人唔理土地長期枯渴，重開發河段上流、採伐森林，搞到上流土地吸收唔到啲雨水，雨水一氣咁流入河度，造成水土流失同埋水浸。

根據中國國家林業局喺2006年6月17號嘅公佈，中國沙漠化土地達到173萬9700平方公里，佔國土面積18%以上，影響全國30個一級行政區（省、自治區、直轄市）。