沿革

沿革係一種文體，用來記錄事物歷程有乜保留，有乜變化。「沿」即係跟返原本，「革」即係變化同出新。沿革好多時為主題研究一部份，有乜嘢承傳落來，有乜嘢新嘅演變，追查現今事物個款，同以前嘅關係。但亦有人當成寫事物成長過程。

沿革最早見於南朝陳國，徐陵寫《在北齊與楊仆射書》，當中有句「至於禮樂沿革，刑政寬猛，則謳歌已遠，萬舞成風。」之後《隋書·高祖記》亦有寫「載懷沿革，事有不同。」

由於歷史同沿革有啲相似，都記住過去嘅嘢，文章會含糊合稱為歷史沿革。歷史主要紀錄事件，而沿革為事物嘅保留同變化，着重之處唔同。較為明顯有法律沿革，法律條文保有留同更改部份。大清孫詒讓寫《周禮正義》，序中一句，「其政典沿革，猶約略可考。」