泉福新邨

泉福新邨響澳門氹仔嘉模堂區地堡街、排角路同體育路，係屬於房屋局嘅經濟房屋。

泉福新邨
澳門公共房屋
所屬堂區						嘉模堂區
房屋類型						經濟房屋
房屋用途						住宅
總塔樓座數						6
塔樓
			第1座 偉鴻閣
			入伙日子			2005年9月8號
			樓齡			19年
			第2座 偉圖閣
			入伙日子			2005年9月8號
			樓齡			19年
			第3座 偉大閣
			入伙日子			2005年9月8號
			樓齡			19年
			第4座 偉展閣
			入伙日子			2005年9月8號
			樓齡			19年
			第5座 偉興閣
			入伙日子			2005年9月8號
			樓齡			19年
			第6座 偉盛閣
			入伙日子			2005年9月8號
			樓齡			19年
停車場
			泉福新邨停車場
			詳細資訊一覽 出入口位置：地堡街

背景

由於清潔同保安最低工資響2016年1月1號生效，泉福新邨面臨管理費狂加嘅局面。管理公司響12月下旬貼出告示話要加管理費，其中三房單位由原來嘅二百八十六蚊加到四百八十六個二，升幅去到七成，而且管理公司同業主會協商過程入面，管理公司代表態度極之囂張，面對小業主批評意見接受態度照舊，又冇承諾加價之後會改善服務質素。管理公司重話如果小業主唔滿意服務質素嘅話，大可以換過間管理公司。有居民批評，管理公司服務質素惡劣，泉福新邨第二期停車場由管理公司揸手，由另外一個看更長期坐陣負責收停車錢，但人工都係用大廈管理費嚟畀，而泉福加埋六座大廈只係得一個看更管理，看更又成日唔見人影，即使見到人亦成日瞓覺又或者玩手機，大廈變咗無掩雞籠一樣成日有陌生人出入，但係由於出席小業主大會只有一成，所以通過加管理費方案。

犯罪

2014年8月11號，氹仔地堡街泉福新邨再度揭發懷疑非法旅館，警方話被揭發嘅係三房廳單位，響大廈高層，有人同警方話以每個月四千到六千蚊租住房間。警方初步相信有人租住單位之後再出租畀其他人，警方帶走四女兩男大陸人，其中一個人逾期逗留，兩個人冇法出示證件，另外有一個人懷疑係非法旅館嘅老世。