法國史
法國史可以追溯到一百八十萬年前嘅舊石器時代，法國地域已經有人住。古羅馬時代，法國週邊地域被叫做高盧，前50年納入羅馬帝國嘅版圖。羅馬帝國滅亡後，高盧喺481年建立法蘭克王國，843年分裂成西法蘭克王國、中法蘭克王國、東法蘭克王國三國，當中西法蘭克王國喺987年轉化成法蘭西王國，存在大約八百年，一路到1789年爆發法國大革命，1792年建立法蘭西第一共和國，1804年拿破崙做埋皇帝，建立法蘭西第一帝國，之後雖然歷經幾次帝制同共和制之間嘅改變，到1870年建立第三共和後，共和制一路用到而家，不過第三共和喺1940年因為畀納粹德國擊敗而畀維希法國取代，到二戰結束後建立第四共和，再喺1958年畀第五共和取代，一路維持到而家。
