泛歐洲遊戲信息組織

 泛歐洲遊戲信息組織（粵拼：fan6 au1 zau1 jau4 hei3 seon3 sik1 zou5 zik1） （英文：Pan European Game Information），簡稱PEGI，係歐洲嘅自我監管協會之一，2003年4月9號由歐洲主動軟件聯邦考慮到電子遊戲出現鹹濕或血腥、暴力、嗌交、打交、粗口等一系列暴力嘅拗數而成立，主要職責係監管啲電子遊戲嘅年紀同內容嘅分級。喺成個歐洲地區，有39個成員國都按照佢嘅分級標準嚟幫電子遊戲進行分級制度。

泛歐洲遊戲信息組織

佢屬下嘅分級有3、7、12、16、18呢5個級，每個級都有佢唔同嘅解釋。另外，喺葡萄牙當地出現有4、6呢兩個分級；喺芬蘭當地曾經喺2003年4月9號到2006年大除夕期間出現有11、15呢兩個分級。不過亦有例外，喺德國當地同巴爾幹半島西邊啲國家仔唔用呢個分級；喺歐洲以外地區，南非同印度、以色列嘅遊戲機市場亦用咗呢個分級。

屬下分級

撈稿	意思	幾時開始	詳細解釋
	乜人都啱玩	2010年	入面啲內容乜問題都冇。連允許剝光豬同幻想性暴力成份都唔畀出現。一般嚟講，呢個分級淨喺網頁遊戲同埋好細規模啲flash遊戲仔先至有。
	乜人都啱玩	2003年	入面啲內容乜問題都冇。雖然允許剝光豬同幻想性暴力成份，但絕對唔畀有對細路有害同現實人物嘅相關線索。成部作品入面要唔畀有涉及性交行為或帶粗口內容。
	凈啱7歲及以上啲人玩	2003年	入面凈有些少細節涉及恐怖場面或聲音嘅內容。
	凈啱12周歲及以上嘅人玩	2003年	入面有相當一部分情節涉及虛構或恐怖、暴力、不雅情節嘅內容。
	凈啱16周歲及以上嘅人玩	2003年	入面有好多情節涉及虛構、恐怖、及真實性暴力、不雅情節內容，而且粗口超多兼涉及犯罪、黑社會組織嘅情節。
	凈啱18周歲及以上嘅人玩	2003年	入面唔單止有多到數唔嗮嘅虛構、恐怖、及真實性暴力、不雅情節、粗口超多、題材敏感、大量暴力犯罪、黑社會、鹹濕嘅內容，重有超多得人憎嘅行為情節喺埋入面。
	需要家長指引	2020年	雖然入面有一部分情節涉及恐怖場面或聲音、虛構或恐怖、暴力、不雅情節（有時涉及犯罪、黑社會組織）嘅內容，但係建議喺家長指導下使用。不過呢樣嘢多數喺未夠18歲啲人士先至用到，唔會喺PEGI 3或PEGI 18分級入面出現。
-	等出街販賣	2018年	入面可能有附加收費內容（例如微交易或下載性內容），啲嘢要另外收錢（類似網遊嘅道具商城或時長收費功能）。

喺葡萄牙當地冇3同7呢兩個分級，而係有4同6呢兩個分級；喺芬蘭當地早期冇12同16呢個分級，而係有11同15呢個分級；不過含義同歐盟用嘅3、7同12、16嗰三個分級一樣噉解：

所屬國	對應分級				用過嘅時段
	PEGI 3	PEGI 7	PEGI 12	PEGI 16
葡萄牙					2003年4月9號～而家
芬蘭					2003年4月9號～2006年12月31號

除咗以上分級之外，PEGI重定咗啲内容撈稿嚟分清楚3、7、12、16、18級遊戲係涉及以下呢啲題材：

撈稿	涉及題材	對應分級
	暴力、打交
	粗口、嗌交
	恐怖、血腥
	鹹濕、性交、性內容、性教育
	吸毒、啪丸、啪藥
	賭錢
File:PEGI Discrimination.svg	歧視、褻瀆

PEGI喺發佈遊戲分級時都有對遊戲作品搞過有冇帶網遊性質嘅分級，不過喺2015年7月取消咗。

撈稿	意思
	呢個遊戲帶有網遊性質（凈喺2015年7月份之前發佈啲遊戲先至搵到）