波他營地城堡
波他營地城堡 (加泰羅尼亞文：castell del Camp de la Bota），又叫做四塔城堡，係座起喺1858年嘅軍事建築，喺波他營地地區，喺巴薩隆拿同貝索斯河聖阿德里安市之間嘅邊界。
史
編輯呢個城堡係由加泰隆尼亞總司令胡安·薩帕特羅起嘅，之後成為咗炮兵實習學校嘅總部，直到西班牙第二共和國成立咗為止。呢片土地喺19世紀初之前經已俾拿破崙軍隊用做射擊訓練場，因此佢嘅名有可能係嚟自法文嘅butte（法文意思係射擊場）。
喺西班牙內戰初期，呢座城堡俾用咗做過處決叛變軍人嘅地方。佛朗哥軍隊贏咗之後，呢度變成咗座監獄，截止1952年，呢度處決咗大約1700人，佢哋主要係內戰嗰陣嘅共和派成員同埋反對佛朗哥獨裁統治嘅人。
喺1950年代，軍隊撤離咗呢座城堡，之後佢就畀pequin同防壁社區嘅居民同啱啱嚟到巴薩隆拿嘅移民佔據。而家，城堡嘅原址上有個紀念碑，紀念當年俾處決咗嘅人，就喺對面嘅論壇大廈隔離，喺對角大道嘅盡頭。
出面網頁
編輯- 爾篇文部分內容由其他語言維基百科文章Castell del Camp de la Bota（版本4769320）攞料，並以創意共享之下，署名兼共享版權嘅3.0版本協議授權使用。原文作者請睇嗰版歷史。