波斯第一帝國

波斯第一帝國，又叫阿契美尼德帝國或者阿契美尼德王朝，係波斯古國，領土橫跨歐洲、亞洲、非洲，前550年立國，到前330年被馬其頓王國征服。

波斯第一帝國最大領土

君主一覽

由居魯士二世列起。

名	在位時間	簡介
居魯士二世（居魯士大帝）	前559年－前530年	佢係波斯部落領袖岡比西斯一世個仔。 喺前559年開始統治安善。前550年征服咗米底王國。前546年征服呂底亞王國。前539年征服新巴比倫王國。
岡比西斯二世	前530年－前522年	居魯士二世個仔。 任內征服埃及，建立埃及第廿七王朝。
巴爾迪亞（唔確定係佢，大流士一世話係一個叫高墨達嘅人冒充巴爾迪亞奪位）	前522年	居魯士二世個仔、岡比西斯二世嘅細佬。
大流士一世（大流士大帝）	前522年－前486年	王族嘅人，阿契美尼斯五世孫。 喺岡比西斯二世死後，打敗咗佢所指嘅高墨達而登上王位。 前499年，波希戰爭開始。前490年，波斯畀希臘人喺馬拉松戰役打敗。
薛西斯一世	前486年－前465年	大流士一世個仔。 前480年，波斯畀希臘人喺薩拉米斯之戰打敗。
阿爾塔薛西斯一世	前465年－前424年	薛西斯一世個仔。 前449年，波希戰爭結束。
薛西斯二世	前424年	阿爾塔薛西斯一世個仔。 死於被殺。
塞基狄亞努斯	前424年－前423年	薛西斯二世細佬。 畀大流士二世殺害。
大流士二世	前423年－前405或前404年	薛西斯二世嘅兄弟
阿爾塔薛西斯二世	前405或前404年－前359或前358年	大流士二世個仔
阿爾塔薛西斯三世	前359或前358年－前338年	阿爾塔薛西斯二世個仔。 任內波斯再次征服埃及，建立埃及第三十一王朝。 死於被殺。
阿爾塞斯（阿爾塔薛西斯四世）	前338年－前336年	阿爾塔薛西斯三世個仔。 死於被殺。
大流士三世	前336年－前330年	大流士二世曾孫。 在位期間，亞歷山大大帝帶兵進攻波斯，波斯軍擋唔住，波斯波利斯失守，最後大流士三世畀巴克特里亞總督貝蘇斯殺害。
貝蘇斯（阿爾塔薛西斯五世）	前330年－前329年	王族。 殺咗大流士三世自立，之後畀亞歷山大大帝處死。