洛庇絲德聖安納
安東尼奧·德帕雕亞·瑪麗亞·塞維里諾·洛庇絲·德聖安納·伊·佩雷斯·德萊烏隆（西班牙文：Antonio de Padua María Severino López de Santa Anna y Pérez de Lebrón；1794年2月24號—1876年6月21號）係墨西哥軍人同政治人，喺1833年至1855年七次擔任墨西哥總統。
洛庇絲德聖安納幾乎為當時所有爭執雙方作過戰。幾次戰鬥勝利使佢聲望大增，其中包括1829年抵抗西班牙重新佔領墨西哥嘅戰鬥。但係佢嘅失敗同樣使佢聲名狼藉，1836年平定德薩斯州叛亂時，佢喺聖古辛托被森侯斯頓擊敗並俘虜。1846年墨西哥戰爭爆發後，美國總統占士諾斯波爾克派船送佢回國執行和平使命，但佢回國後反而領導墨西哥軍隊反對美國，直到被擊敗而遭流放。馬克西米連一世皇帝被扶植登上墨西哥皇位時，佢表示願意為佢效勞但同時亦表示願意同佢嘅反對者合作，都遭拒絕。喺1855年佢被迫落台流亡國外，1874年返墨西哥，最後喺貧困中死去。
 |