海印廣場
23°07′01″N 113°16′45″E / 23.117°N 113.2793°E 海印廣場（英文：Highsun Plaza）係廣州越秀區一間商場，入邊嘅舖頭主要賣電子產品、音響。1997年落成開張，屬於海印集團。
呢度同附近嘅星之光電器城、海印電器總滙、大沙頭舊貨市場，喺1990年代至2000年代初，係廣州乃至全中國最暢旺嘅電子產品市場。海印廣場以前旺嗰時，售賣嘅商品包括電腦、手機、音響同呢啲嘢嘅各種零件，以及軟件、光碟，仲有電子產品維修服務。後來各地市場興起，網上零售業發展，翻版轉為喺互聯網傳遞等因素影響，市道逐漸轉淡，而今呢度特色係賣hifi音響，亦有一部分舖位轉成食肆。