海濱路 (珠海)

  呢篇文講珠海市嘅海濱路。想搵其它城市嘅海濱路嘅話，請睇海濱路。

海濱路（粵拼：hoi2 ban1 lou6）係中國廣東省珠海市入面嘅一條主幹道，喺香洲區入面，成條馬路南北走向。南邊從九洲大道東開始；一直去到北邊嘅鳳凰南路同人民東路嘅交界嗰頭。

海滨路 　北 HAIBIN LU 南

海濱南路嘅路牌

性質： 主幹道 全長： 1.16公里 行車線： 雙向4車道 地區： 珠海市香洲區 起點： 九洲大道東 終點： 鳳凰南路、人民東路 主要建築： GI時代廣場 金碧時代社區 君悅來酒店 南航珠海總部 旅遊大酒店 銀座精品酒店 光大國際貿易中心 石景山公園 僑苑酒店 望海樓 珠海市公積金中心 海濱公園

概要

全長1166米，闊15米，雙向4車道。成條馬路分開咗南北兩條。

海濱路嘅兩條道路，起點到終點。

• 海濱南路：從九洲大道東嗰邊開始，一直去到景山路嗰頭
• 海濱北路：從景山路嗰邊開始，一直去到鳳凰南路同人民東路嘅交界嗰頭。

名

呢條馬路係因為入面有間海濱公園先至改咗噉嘅名。

史

呢條馬路喺1985年起好，嗰時成條路係水泥路。直到20世紀90年代初期，海濱南路嘅路面先至鋪咗瀝青上去，但係海濱北路重係水泥地面嘅馬路。直到2013年，由於珠海市要搞馬拉松，所以先至搞咗瀝青上去。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 九洲大道東
• 景樂路
• 園林路
• 吉大路
• 景山路
• 海霞路
• 鳳凰南路、人民東路