海珠湖

海珠湖（粵拼：hoi2 zyu1 wu4）喺廣州海珠新滘中路，大塘村南邊；海珠濕地西邊；廣州大道南東邊，係國家級濕地公園嘅組成部分，官方聲稱係海珠區治理河涌嘅成果之一。地皮原先係大塘村嘅果園，後嚟改造成遊覽區。

海珠湖

公園面積2248.3畝，其中湖心區1422.6畝（水面面積795畝，陸地面積627.6畝），可以租單車遊覽。部分湖面有彎彎曲曲嘅小木橋，橋邊可以欣賞荷花。公園亦提供電瓶車遊覽服務。

公園入邊兜住個湖起咗條蠟青路，畀啲公共單車行同埋畀啲職員揸車行。