海陵島

  呢篇文講陽江嘅天然海島兼旅遊景區。想搵陽江嘅開發區嘅話，請睇海陵島經濟開發試驗區。

海陵島（粵拼：hoi2 ling4 dou2）係中國廣東陽江嘅島，喺江城區南邊。佢既係廣東地區，繼東海島、上川島同南三島之後嘅第四大島。有中國十大寶島、中國最靚十大海島同廣東十大靚島嘅稱呼。

個島有105.1km²咁大，有好多靚嘅天然海灘、加上一灣一景，喺全球各地都好少見。