淇澳

淇澳，又叫淇澳島（粵拼：kei4 ngou3 dou2），中國一洲，今歸廣東省珠海市，香洲區東北邊，大清時屬香山縣。珠海市東面洋面，零丁洋西部。淇澳原為水上人聚集之水陸，現時變成珠海旅遊區。淇澳介於澳門同珠江口之間，澳門入廣州，會過淇澳，可謂珠江外門。

有淇澳大橋過金星門洋面，入珠海市內。原本為港珠澳大橋搭路，最後方案唔經淇澳。

地理

淇澳約二十四平方公里，住咗千九人。地質為花崗岩結構，表層黃沙粘土，上生灌木、茅草、松林同雜樹等。而樹木覆蓋率，去到九成。地勢，南北兩頭高，中間凹平。洲分南北，走向東北至西南。洲上多山，當中十八座，高過海拔一百米。最高叫望赤嶺，喺琪澳東北。琪澳周圍多海灣，主要有二斜灣、關帝灣、金星灣、石井灣、大圍灣等。而東面大多數海灣，都係沙灘，而西北兩面，多數海灣為積泥灘。洲上有廟十七座，明清時起。島入面重有後沙灣、東澳灣、白石街、古炮臺等古跡遺址。

史

大明鎖國之後，西洋人即葡國人，租借香山縣南端澳門。所以外國人會聚集澳門補給，得批文，船先至入得廣州經商。大清時同樣。

淇澳就近澳門，船會經淇澳入珠江。淇澳同香山之間，有金星門，重要水道之一。

鴉片戰爭前傳說

内文：第一次鴉片戰爭

未有第一次鴉片戰爭之前，走私鴉片甚為嚴重。

《兩廣總督盧坤致洋商諭令》，以及英國東印度公司檔案，講及鴉片戰爭之前，淇澳人曾對抗英人。

一八三三年十月十三號中午，淇澳村民蘇上品等四人，喺金星山腳港口捉魚，點知佢聽到同村郭亞祥喺度大嗌，「夷人偷牛」。原來佢哋睇到有位鬼佬將隻牛扯走，就諗住人牛並獲。而村地保都話偷牛嘅人係鬼佬，唔可以送官，要將佢哋送返去。點知嗰日申牌時分，有五十幾位鬼佬，入咗個村入面嚟搵人隻抽，而村民一齊出嚟趕嗮佢哋走。而班鬼佬睇到好多村民殺到埋嚟，就即刻雞噉腳走嗮。凈係得返個喺後面用住把劍同雀槍嚟搞掂啲村民，後嚟俾蘇上品用把刀銡傷咗個肚死咗。而凈低嘅鬼佬，喺走緊佬嗰陣，俾田入面做緊嘢郭名秋同工人黃亞捉到正，之後將郭名秋綁架咗捉埋上船。而黃亞就搏命喺度嗌，結果俾佢哋一槍打死咗。而一八三三年十月十五號，船主馬之就帶咗好多鬼佬殺到淇澳村，嗰度猛咁喺個村入面開槍。

呢單嘢冇廣州爆發嘅三元里人民抗英鬥爭嗰單嘢咁大，之不過早過佢成八年咁耐，喺中國人民反侵略鬥爭史上有一定嘅歷史地位。其實淇澳村入面唔係凈發生咗呢單嘢。喺爆鴉片戰爭之前，有好多鬼佬嚟嘅鴉片走私船，就停響淇澳金星門海嗰頭，走私鴉片嘅基地。

古蹟

廟

淇澳祖廟、天后廟、文昌宮、東澳古廟

祠

鍾氏大宗祠、仲亮鍾公祠

墓

鍾朝海家族墓、鍾玉瑚家族墓、六世祖耀燦墓、黎龍德墓

名人故居

蘇兆徵故居

遺址

東澳灣沙丘遺址、後海灣遺址、淇澳島抗英遺址（白石街、炮臺）

其他

大王角燈塔、社稷壇

教育基地

二〇〇〇年春，蔣秋霞、韋鈺等二十位全國政協委員，有份提案，將淇澳島嘅白石街，整成中國國家級嘅愛國主義教育基地。珠海市委同市政府決定咗，搵歷史專家研究考察。夏天，政協委員接到珠海通知之後，查咗中外幾十種同佢有關嘅著作資料，未搵到淇澳村居民對抗英人事跡。九月，中國政府派人去咗英國倫敦，去到英國國家檔案館查資料，發現英國外交部檔案F．O．1048，東印度公司文檔，搵到同呢單嘢有關、塵封咗百六幾年嘅二十二份原始檔案。十月，珠海市政府開嘅《淇澳白石街同鴉片戰爭》嘅研討會，公佈歷史發現。

攷

• 淇澳岛（历史的记忆） 蚂蜂窝