淇澳紅樹林（粵拼：kei4 ngou3/ou3 hung4 syu6 lam4）係中國廣東省珠海市嘅一個景區，喺香洲區嘅淇澳島入面，牛蹄灣嗰頭。呢間公園既係珠海比較出名嘅生態景區，又係中國內地人工恢復面積最大嘅紅樹林。呢個景區曾經喺2011年列入咗珠三角十大特色景區。
淇澳紅樹林景區總面積有51.1km²，其中紅樹林霸咗7km²。入面有695種植物同347種野生動物、120幾個品種，數量去到成萬隻喺秋冬時節留喺呢度嘅候鳥。
