淋巴癌

淋巴癌（Lymphoma），又叫淋巴瘤，係淋巴系統嘅癌症，成因係淋巴裏面嘅細胞出現基因突變，停止唔到分裂同埋唔能夠正常凋亡，最後變咗惡性腫瘤（癌）。淋巴癌嘅症狀係睇個瘤發生係邊度，同埋屬於咩種類。

淋巴癌

淋巴癌有兩種，分別係霍奇金淋巴瘤同非霍奇金淋巴瘤。通常嘅症狀有：淋巴結腫大、肝腫大、發燒、夜晚出汗、貧血。霍奇金淋巴癌主要患病人群係細路同老人家，而治療方法包括電療，化療。非霍奇金淋巴癌就更多發生喺愛滋病患者同埋要食會降低免疫力嘅藥嘅人，治療方針更多會採用藥物。淋巴癌存活率取決於癌症嘅分期同患者自己嘅年齡，患病特徵等一系列因素。